პარლამენტის ადამიანის უფლებათა დაცვის კომიტეტის თავმჯდომარის, სოფიო კილაძის განცხადებით, სტრუქტურული ცვლილებების შედეგად სამინისტროებში დასაქმებული ადამიანები სამსახურიდან არ გათავისუფლდებიან.
"ბატონი მამუკა როდესაც საუბრობდა სამინისტროების შერწყმაზე და ამ მიმართულებით ცვლილებების განხორციელებაზე, პირველი, რაც ვიკითხე იყო - იგეგმება თუ არა ადამიანების გათავისუფლება ამ მოდელის მიხედვით. მისი პასუხი იყო, რომ თითოეული ადამიანი შეინარჩუნებს თავის სამუშაო ადგილს. ფუნქციები შესაძლებელია შეიცვალოს, მაგრამ ადამიანები არ გათავისუფლდებიან სამუშაო ადგილებიდან",- განაცხადა კილაძემ.
