გიორგი მარგველაშვილმა უზენაესი სასამართლოს თავმჯდომარის გადადგომის შესახებ ბრიფინგი გამართა. მან განაცხადა, რომ ორშაბათიდან საზოგადოების წარმომადგენლებთან კონსულტაციას დაიწყებს უზენაესი სასამართლოს ახალი თავმჯდომარის შესარჩევად. მისი თქმით, ეს უნდა იყოს კანდიდატი, რომელიც სასამართლო სისტემაში არსებულ გამოწვევებს გაუმკლავდება.
მან ასევე შეაფასა გვენეტაძის გადადგომა.
„ნინო გვენეტაძის გადადგომით გაშიშვლდა ის სისტემა, რომელზეც ჩვენი მეგობრები და პარტნიორები არაერთხელ მიგვანიშნებდნენ. ამ ამბავმა კიდევ ერთხელ ცხადყო, რომ სასამართლო სისტემა უნდა გაჯანსაღდეს" - თქვა მარგველაშვილმა.
