„მთავრობა განიხილავს ექსპორტზე გასატანად სამედიცინო და კოსმეტიკური მიზნით მარიხუანის მოყვანა-წარმოების საკითხს" - ამის შესახებ „ლიბერალს" შსს-ში განუცხადეს.
სამინისტროშ ამბობენ, რომ მთავრობის კანონპროექტი მარიხუანის გასაღების მკაცრ შეზღუდვას ითვალისწინებს და ნებისმიერ შემთხვევაში ქვეყნის შიგნით მარიხუანას გასაღება რჩება დასჯადი სისხლის სამართლის წესით.
„მთავრობის მიერ მარიხუანასთან დაკავშირებით ინიცირებული საკანონმდებლო ცვლილებები ითვალისწინებს მარიხუანას გასაღების მკაცრ შეზღუდვას. გარდა ამისა, შინაგან საქმეთა სამინისტრო მიერ მომზადებულია პროექტი, რომელიც მარიხუანას მოხმარებას მკაცრ სამართლებრივ ჩარჩოებში აქცევს და გარკვეულ ადგილებში მარიხუანას მოხმარებას ზღუდავს. გარდა ამისა, მთავრობა განიხილავს ექსპორტზე გასატანად სამედიცინო და კოსმეტიკური მიზნით მარიხუანის მოყვანა-წარმოების საკითხს. ნებისმიერ შემთხვევაში ქვეყნის შიგნით მარიხუანას გასაღება რჩება დასჯადი სისხლის სამართლის წესით" - აცხადებენ შსს-ში.
პარლამენტის ჯანდაცვის კომიტეტის თავმჯდომარე კაკი ზოიძე გუშინ პარტიის სხდომას ესწრებოდა, რომელზეც სამედიცინო მიზნით მარიხუნის ექსპორტთან დაკავშირებული საკითხები განიხილეს.
ის ადასტურებს, რომ შს სამინისტრომ უმრავლესობას პრინციპების დონეზე წარუდგინა საკანონმდებლო ცვლილებები, რომელთა მიხედვითაც, მისი დამტკიცების შემთხვევაში, საქართველოში მარიხუანის წარმოება ნებადართული გახდება ექსპორტზე გატანის მიზნით - ფარმაცევტული და კოსმეტიკური საშუალებისათვის.
ზოიძე ადასტურებს, რომ პარტიის სხდომაზე მარიხუანის წარმოების საკითხზე იმსჯელეს
