საქართველოს განათლების, მეცნიერების, კულტურისა და სპორტის მინისტრმა, მიხეილ ბატიაშვილმა დღეს იყალთოს სამონასტრო კომპლექსში განათლების სისტემის რეფორმირების ხედვა წარადგინა.
სამინისტროს მიერ გავრცელებული ინფორმაციით, პროფესიული განათლების მიმართულებით სამინისტროს მიერ დაგეგმილი რეფორმის მთავარი ამოცანა რეგიონულ განვითარებაზე ორიენტირებული სწრაფი დასაქმების მოქნილ მოდელზე გადასვლაა, რაც მოკლევადიანი გადამზადების სისტემის შექმნას გულისხმობს.
მათივე ცნობით, იმისათვის, რომ რეფორმა იყოს შედეგიანი, იგი გატარდება ეტაპობრივად, გაწერილი გეგმის მიხედვით. მისი პირველი ეტაპი, რომელიც 2018-2019 წლებს მოიცავს, ითვალისწინებს პროფესიული საგანმანათლებლო დაწესებულებების რაოდენობის გაზრდას კიდევ 13 მუნიციპალიტეტში. ასევე, პროფესიული განათლების რეფორმა ითვალისწინებს 2019-2022 წლებში პროფესიული სასწავლებლების პედაგოგებისა და ადმინისტრაციის ხელფასების ზრდას.
პრემიერი: 2018-19 სასწავლო წლის განმავლობაში გაზრდილ ხელფასს 10 000-მდე მასწავლებელი მიიღებს
ბატიაშვილი: 2020 წლისთვის ეროვნული გამოცდების ახალი სისტემის დანერგვა იქნება შესაძლებელი
ბატიაშვილი: უმაღლესი განათლების სისტემის დაფინანსება ახალ მოდელზე გადავა
