„კოალიცია მედიის ადვოკატირებისთვის“ „ლიბერალის“ რედაქტორ ზურაბ ვარდიაშვილზე თავდასხმის ფაქტს ეხმაურება. კოალიცია მოუწოდებს შსს-ს, დროულად დაიკითხოს ყველა შესაძლო მოწმე, ზურაბ ვარდიაშვილს მიენიჭოს დაზარალებულის სტატუსი, ბრალი წარედგინოს ყველა იდენტიფიცირებულ პირს.
„ლიბერალის" რედაქტორს, ზურა ვარდიაშვილს, თავს დაესხნენ - თავდამსხმელები არც დაუკითხავთ
„პირველ რიგში, შეშფოთებას გამოვთქვამთ გამოძიების მხრიდან მსგავსი ზედაპირული დამოკიდებულების გამო და მოვუწოდებთ მას, მეტი ყურადღებით მოეკიდოს საქმეს.
ამავდროულად, აუცილებელია, დადგინდეს, ხომ არ უკავშირდებოდა „ლიბერალის“ რედაქტორზე თავდასხმა მის ჟურნალისტურ საქმიანობას და ამ ფაქტის დადასტურების შემთხვევაში, საქმეს მიეცეს შესაბამისი კვალიფიკაცია.
კოალიცია „მედიის ადვოკატირებისთვის“ მოუწოდებს შსს-ს, დროულად დაიკითხოს ყველა შესაძლო მოწმე, ზურაბ ვარდიაშვილს მიენიჭოს დაზარალებულის სტატუსი, ბრალი წარედგინოს ყველა იდენტიფიცირებულ პირს“, – ნათქვამია კოალიციის მიერ გავრცელებულ განცხადებაში.
„ლიბერალის“ რედაქტორზე სავარაუდო თავდამსხმელების დაკითხვა მიმდინარეობს - შსს
„ლიბერალის“ რედაქტორ ზურა ვარდიაშვილზე თავდასხმის შესახებ ქარტია განცხადებას ავრცელებს
