სამაუწყებლო კომპანია „რუსთავი 2-მა“ ეგზიტპოლის შედეგები გამოაცხადა. შედეგების მიხედვით, რომელიც 4 საათის მონაცემებს მოიცავს, „ქართული ოცნების“ მხარდაჭერილმა კანდიდატმა, სალომე ზურაბიშვილმა ხმების 40 % მიიღო. ასევე 40% მიიღო გაერთიანებული ოპოზიციის კანდიდატმა, გრიგოლ ვაშაძემ.

„ევროპული საქართველოს“ კანდიდატმა, დავით ბაქრაძემ 10 % მიიღო. 

„ლეიბორისტული პარტიის კანდიდატი შალვა ნათელაშვილი - 3%

„შენების მოძრაობის" ლიდერი დავით უსუფაშვილი - 2%

„გირჩი" - ზურაბ ჯაფარიძე 2%

ეგზიტპოლი ტელეკომპანია „რუსთავი 2-ის“ დაკვეთით საერთაშორისო ორგანიზაციამ, „ედისონ რისერჩმა“ ჩაატარა. 

„რუსთავი 2" ეგზიტპოლის 18:00 საათის მონაცემებს 22:00 საათზე გამოაქვეყნებს.

გაეცანით, „ედისონ რისერჩის" ეგზიტპოლის მეთოდოლოგიას:

2018 წლის 28 ოქტომბრის საპრეზიდენტო არჩევნებთან დაკავშირებით შპს „სამაუწყებლო კომპანია რუსთავი 2–ის“ დაკვეთით ტარდება საზოგადოებრივი აზრის გამოკითხვა, რომელსაც ახორციელებს საერთაშორისო კომპანია Edison Research

კითხვარი

„ქართული ოცნების" დაკვეთილი ეგზიტპოლი: ზურაბიშვილი - 52.3% ვაშაძე - 28.1%

---------------
ამავე კომპანიამ ჩაატარა ეგზიტპოლი,  „რუსთავი 2-ის“ დაკვეთით, საქართველოში  2010 და 2012 წლების არჩევნების დროსაც და 2017 წლის თვითმმართველობის არჩევნებზეც. 

2017 წლის ეგზიტპოლი მეტწილად დაემთხვა საარჩევნო კომისიის მიერ გამოცხადებულ შედეგებს. 

გამოკითხვის დროა 2018  წლის 28 ოქტომბერი. გამოკითხვის მეთოდი - პირდაპირი გამოკითხვა თვითადმინისტრირებული კითხვარით (ქაღალდის ვერსია). შესაძლო ცდომილების ზღვარია +/–3 %.