ევროპარლამენტის მიერ მომზადებულ რეზოლუციაში, რომელსაც კენჭი დღეს უნდა უყარონ, საუბარია საქართველოში მართლმსაჯულების რეფორმასა და გამოწვევებზე. მასში აღნიშნულია, რომ სასამართლო სისტემა უფრო მიუკერძოებელი და გამჭვირვალე გახდა.
თუმცა ევროპარლამენტარები ყურადღებას ამახვილებენ პროკურატურის პოლიტიკური ნეიტრალიტეტისთვის არასაკმარის გარანტიებზე და ხელისუფლებას მოუწოდებენ, მართლმსაჯულების სისტემის დამოუკიდებლობისა და გაძლიერებისთვის ყველა საჭირო ზომა მიოღოს, მათ შორის ადმინისტრაციული რესურსის გაძლიერებით.
ევროპარლამენტი: მაღალი დონის ელიტური კორუფცია სერიოზულ პრობლემად რჩება საქართველოში
რეზოლუციის ტექსტში ნათქვამია, რომ რეფორმა შინაგან საქმეთა სამინისტროს, მათ შორის პოლიციასა და უსაფთხოების სამსახურებისაც სჭირდებათ. ასევე, ხელი უნდა შეეწყოს მოსამრთლეთა შერჩევისა და დანიშვნის, ასევე, დისციპლინური სამართალწარმოების პროცესის გამჭვირვალობას.
ევროპარლამენტი: ასოცირების დღის წესრიგის შესასრულებლად კვალიფიციური კადრების დანიშვნაა საჭირო
ევროპარლამენტის მიერ მომზადებულ ანგარიშში „ასოცირების შეთანხმების" შესრულების შესახებ, რომელსაც კენჭი დღეს უნდა უყარონ, რამდენიმე კრიტიკულ საკითხზეა გამახვილებული ყურადღება: ევროპარლამენტი საქართველოს ხელისუფლებას მოუწოდებს, შტრომის სტანდარტების, გარემოს დაცვის, მოწყვლადი ჯგუფებისა და ქალების დისკრიმინაციის საკითხების ასოცირების შეთანხმების მოთხოვნებთან შესაბამისობაში მოსაყვანად ზომებს მიმართოს - ამის შესახებ „ასოცირების შეთანხმების" შესრულების შესახებ ანგარიშშია აღნიშნული. დოკუმენტი ასოცირების შეთანხმების შესრულებას ზოგადად პოზიტიურად აფასებს, თუმცა აქვე მოუწოდებს პრემიერ-მინისტრსა და საგარეო საქმეთა მინისტრს, უფრო ძლიერი პოლიტიკური ზედამხედველობა გაუწიოს შეთანხმების შესრულებას.
