პარლამენტის შენობის წინ მიმდინარე აქციაზე თემირლან მაჩალიკაშვილის დედამ სიტყვით გამოსვლისას ირმა ინაშვილს მიმართა. დღეს 3 საათზე თავისუფლების მოედანზე "პატრიოტთა ალიანსის"ორგანიზებით აქცია გაიმართა.
"რომ არა ეს ხელისუფლება თემირლანი 20 წლის გახდებოდა. ძირს ეს მკვლელი ხელისუფლება. ძირს მკვლელები! თუ გულით გაქვთ, თუ ოდნავ ნამუსი გაქვთ, თქვენ ყველა აქ უნდა იყოთ. გავიგე დღეს აქ აქცია იმართება ინაშვილის მიერ. ინაშვილო, შენ პანიკისის ხეობაში იყავი, ვითომ ჩემს მწუხარებას იზიარებდი. ყოჩათ შენ ქალობას, ყოჩაღ შენ დედობას. დედამ იცის შვილის ტკივილი რა არის და ყველა დედა ჩემს გვერდით უნდა იყოს." - მიმართა სიტყვით აქციის მონაწილეებს თემირლან მაჩალიკაშვილის დედამ მედიკო მარგოშვილმა.
დღეს თბილისი ორი აქცია გაიმართა.
პარლამენტის შენობასთან აქცია "დღეს თემირლანი 20 წლის გახდებოდა" გაიმართა.
თავისუფლების მოედანზე "პატრიოტთა ასოციაციის" ორგანიზებით აქცია "არა ნაციონალებს" გაიმართა.
