საქართველოს მართლმადიდებელი ეკლესიის სინოდის სხდომა ხუთშაბათს, 27 დეკემბერს გაიმართება - ამის შესახებ „ლიბერალს" საპატრიარქოს პრესსამსახურში განუცხადეს.
სხდომაზე სავარაუდოდ უკრაინის ეკლესიის დამოუკიდებლობისთვის მხარდაჭერის საკითხსაც განიხილავენ, თუმცა საპატრიარქოში ამაზე ზუსტი პასუხი არ აქვთ.
პრესსამსახურში აცხადებენ, რომ სინოდი ამ საკითხს სავარაუდოდ განიხილავს, თუმცა სხდომის დღის წესრიგი წინასწარი ცნობილი არ არის.
რას ნიშნავს კიევისა და სრულიად უკრაინის მიტროპოლიტად ეპიფანეს არჩევა
15 დეკემბერს უკრაინის მართლმადიდებელი ეკლესიის ლიდერები ახალი ეროვნული მართლმადიდებელი ეკლესიის შექმნაზე შეთანხმდნენ და მის ხელმძღვანელად 39 წლის მიტროპოლიტი ეპიფანე აირჩიეს.
კონსტანტინოპოლის პატრიარქი ბართლომეოსი უკრაინის ეკლესიას ავტოკეფალიას ოფიციალურად, სავარაუდოდ, 6 იანვარს გადასცემს.
