ფრაქცია „ქართული ოცნება - სოციალ-დემოკრატების" თავმჯდომარე გია ჟორჟოლიანი საპარლამენტო უმრავლესობას ტოვებს.
როგორც დეპუტატი ამბობს, მისი გადაწყვეტილების შესახებ „ქართული ოცნების" თავმჯდომარე ბიძინა ივანიშვილი უკვე ინფორმირებულია. ჟორჟოლიანის თქმით, დღეს ივანიშვილთან შეხვედრაზე მმართველ გუნდში არსებული პრობლემები განიხილა.
ჟორჟოლიანი გადაწყვეტილებას სოციალურ-ეკონომიკურ საკითხებსა და საგადასახადო პოლიტიკას უკავშირდებს, რასთან დაკავშირებითაც სოციოალ-დემოკრატებს რამდენიმე ინიცატივა ჰქონდთ, თუმცა არც ერთი არ იქნა გაზიარებული. ჟორჟოლიანის თქმით, უახლოეს ხანებში ისინი პარლამენტს კიდევ რამდენიმე ინიციატივით მიმართავენ, თუმცა ნაკლებად აქვს მათ მხარდაჭერის მოლოდინი, რაც უმრავლსობიდან სოციალ-დემოკრატების გასვლას დააჩქარებს.
22 თებერვალს საპარლამენტო უმრავლესობა და პარტია, ასევე დატოვა ამავე ფრაქციის წევრმა, ბექა ნაცვლიშვილმა.
მათ გარდა, საპარლამენტო უმრავლესობა დატოვეს ეკა ბესელიამ, ლევან გოგიჩაიშვილმა და გედევან ფოფხაძემ.
