პარლამენტის თავდაცვის კომიტეტის თავმჯდომარე ირაკლი სესიაშვილი აპირებს გამოვიდეს იმ მუხლის გაუქმების ინიციატივით, რომლის თანახმადაც, წვევამდელებს, რომლებიც მღვდელმსახურები არიან, სავალდებულო სამხედრო მსახურების გადავადების საშუალება აქვთ.
„წვევამდელები გარკვეული რელიგიური მოტივებით არ მიდიან სამხედრო ავალდებულო სამსახურში. ეს პრობლემას ქმნის მთლიანად სისტემისთვის. მე არ შევალ იმ დისკუსიაში, რომ ეს არის ხელოვნურად თუ რეალური რელიგიური მოტივებით. თქვენ იცით, რომ არსებობს ალტერნატიული შრომითი სამსახური, რომლითაც რწმენის ან რელიგიური ნიშნით შესაძლებელია უარი თქვან სამსახედრო სამსახურზე, ამიტომ შესაბამის კანონში ჩემი ინციატივით გავაუქმებ მუხლს, რომლითაც წვევამდელებს, რომლებიც არიან მღვდელმსახურები, აძლევს საშუალებას, რომ გადაუვადდეთ სამხედრო სავალდებულო სამსახური და თუ მათ სურვილი არ ექნებათ, რომ რელიგიური მოტივებით არ იმსახურონ ჯარში, ექნებათ საშუალება ისარგებლონ ალტერანტიული შრომითი სამსახურის კანონით და გაწვეულ იქნენ შესაბამის სამსახურში" - თქვა სესიაშვილმა.
