ივანიშვილმა გუშინ თავად აღიარა და თავად გაავლო წყალგამყოფი, რომ ის დღეს დგას მოძალადეების გვერდით - განაცხადა პარლამენტის წევრმა, ლევან გოგიჩაიშვილმა ჟურნალისტებთან.
მისი თქმით, როცა ისინი საუბრობდნენ, რომ ივანიშვილი იდგა ჩინჩალაძისა და მურუსიძის გვერდით, ეს არ სჯეროდა საზოგადოებას, მაგრამ გუშინდელ ინტერვიუში „ქართული ოცნების“ თავმჯდომარემ ეს აღიარა.
„ბიძინა ივანიშვმილმა გუშინ თავად გასცა პასუხი ჩვენი უმრავლესობიდან წასვლის მიზეზებს – ეს არის ის, რომ ივანიშვილი დგას მოძალადეების გვერდით. ჩვენ უმრავლესობა სწორედ იმის გამო დავტოვეთ, რომ მას უნდა, თავისი კონტროლის ქვეშ ჰყავდეს სააკაშვილისა და ადეიშვილის მემკვიდრეობა. როდესაც ჩვენ ვსაუბრობდით, რომ ივანიშვილი იდგა ჩინჩალაძის, მურუსიძის, ალანიას მხარეს, ადამიანებს ეს არ სჯეროდათ და ეგონათ, რომ შარზე ვიყავით, მაგრამ ეს ივანიშვილმა გუშინ თავად აღიარა და თავად გაავლო წყალგამყოფი, რომ ის დღეს დგას მოძალადეების გვერდით“, - განუცხადა ჟურნალისტებს ლევან გოგიჩაიშვილმა.
გუშინ ტელეკომპანია „იმედის“ ეთერში ბიძინა ივანიშვილმა მოსამართლეობის ყოფილი კანდიდატებისა და სასამართლო სისტემის შესახებ ისაუბრა.
მურუსიძე- ჩინჩალაძის კლანურობაზე საუბარი მოდის ენმ-ისა და მათგან მართული NGO-ების მხრიდან -ივანიშილი
