ჭიათურაში გაფიცული მაღაროელების შეხვედრა მინისტრებთან დასრულდა. როგორც ჭიათურის პირველადი პროფკავშირული ორგანიზაციის თავმჯდომარე პაატა სამხარაძე „ლიბერალთან“ ამბობს, გაფიცვა შეწყდა და მას ამის შესახებ თავად მოშიმშილე მაღაროელებმა უთხრეს. როგორც ის ამბობს, შეხვედრას თავად არ ესწრებოდა, მხოლოდ მოშიმშილე გაფიცული მაღაროელები ესწრებოდნენ შეხვედრას.
„ლიბერალს“ ჭიათურის მერის მოვალეობის შემსრულებელმა გივი მლოდებაძემაც დაუდასტურა, რომ გაფიცვა შეწყდა და მოსახელობა ზეიმობს. მისი თქმით, შეთანხმება მიღწეულია, 1 ივნისიდან მაღაროელები ხელფასის 25%-იანი მატებას მიიღებენ, ერთი წლის შემდეგ კი ხელფასისი10%-იან ზრდას.
ჭიათურის სამთო გამამდიდრებელი კომბინატის დირექტორი თანამდებობას ტოვებს
„ყოველდღე ვტოვებთ სახლებს და სიკვდილზე მივდივართ“ - რეპორტაჟი ჭიათურიდან
„ჯორჯიან მანგანეზი“ გაფიცულ მაღაროელებთან დაკავშირებით განცხადებას ავრცელებს
ჭიათურაში შეხვედრამ უშედეგოდ ჩაიარა, გაფიცულები მოსახლეობას ქუჩაში გამოსვლისკენ მოუწოდებენ
„ყოველდღე ვტოვებთ სახლებს და სიკვდილზე მივდივართ“ - რეპორტაჟი ჭიათურიდან
______________
შეგახსენებთ, რომ ჭიათურაში 15 მაისს, საღამოს შპს „ჯორჯიან მანგანეზის“ სამთო გამამდიდრებელ კომბინატში ე.წ. ვახტურ რეჟიმზე გაფიცვა დაიწყო. თავდაპირველად ერთი ცვლა - 150 მაღაროელი გაიფიცა, მოგვიანებით კი დანარჩენებიც შეუერთდნენ. ამჟამად ყველა მაღაროელი გაფიცულია და საწარმო გაჩერებული. კომპანიის შენობის ადმინისტრაციიდან მაღაროელებმა ჭიათურის მერიასთან გადაინაცვლეს და იქ განაგრძობენ პროტესტს.
გუშინ მაღაროელებს ტყიბულელი მეშახტეებიც შეურთნენ. მათ მაღაროელებს სოლიდარობა გამოუცხადეს.
მაღაროელები ხელფასის მომატებას (50%-იან ზრდას), კვების გაუმჯობესებას და სამედიცინო მომსახურებას მოითხოვენ.
გაფიცვიდან მეორე დღეს მუშებთან მმართველი პარტიის წარმომადგენლები, „ქართული ოცნების“ პოლიტიკური მდივანი ირაკლი ღარიბაშვილი, პარლამენტის თავმჯდომარე ირაკლი კობახიძე და თბილისის მერი კახა კალაძე მივიდნენ. ისინი კომპანიის წარმომადგენლებთან ერთად მაღაროელებს დაჰპირდნენ, რომ კომპანია იმ დღესვე დაიწყებდა მათი მოთხოვნების შესრულებას.
ამის შემდეგ მაღაროელები კომპანიის წარმომადგენლებს შეხვდნენ, მაგრამ მოლაპარაკება უშედეგოდ დასრულდა. როგორც გაფიცულები ამბობენ, კომპანიის შეთავაზება იყო ხელფასების 10 -15%-იანი ზრდა, ისიც ეტაპობრივად და კომპანიის ხელმძღვანელობასთან შეთანხმების შემდეგ. ამ პირობას მაღაროელები არ დასთანხმდნენ.
ამის შემდეგ 15 მაღაროელმა შიმშილობა დაიწყო. ისინი 10 დღე შიმშილობდნენ.