დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით მიხეილ კალანდია დააკავეს.
დავით სარალიძის მამამ, ზაზა სარალიძემ მიხეილ კალანდიას დაკავების შესახებ „ტვ პირველთან“ ისაუბრა.
„მადლობა მინდა გადავუხადო იმ ადამიანებს, ვინც ჩემთან ერთად იბრძოდა ამ სიმართლის მიღწევაში. მადლობა მას, ვინც ბოლო-ბოლო ჩათვალა საჭიროდ, რომ სიმართლემ უნდა იზეიმოს.
ფაქტობრივად, ჩავთვალოთ რომ სამართალი აღდგენილია, მაგრამ წინ არის სასამართლო პროცესი, ვნახოთ, როგორ დაასაბუთებს პროკურატურა მიხეილ კალანდიას ბრალეულობას. შეეცდება თუ არა ისევ მის „გაპრავებას“. დაველოდოთ.
მოლოდინი მქონდა ყოველთვის, რომ კალანდიას დააკავებდნენ. ჩემი შიდა გამოძიებით დადგინდა, რომ კალანდია იყო ერთ-ერთი დამნაშავე ჩემი შვილის მკვლელობაში. იმ დღიდან ყოველ დღე არასდროს არ შემიწყვეტია იმის მოლოდინი, რომ კალანდია მიეცემოდა პასუხისგებაში. იმიტომ, რომ ეს სამართალი საჭირო იყო“,- განაცხადა სარალიძემ.
მიხეილ კალანდია ჯგუფურად ჩადენილი მკვლელობის ბრალდებით დააკავეს - შსს
