პარლამენტის ვიცე - სპიკერმა გია ვოლსკიმ ჟურნალისტებთან „გირჩის“ გუშინდელ აქციაზე ისაუბრა. მისი თქმით, ეშმაკეულის გარდა ამას ვერავინ იტყვის და გააკეთებს.
„გირჩის“ აქტივისტებმა ივანიშვილს რეზიდენციასთან „ვხედავ მეცხვარეს“ უმღერეს
„იმდენად უზნეობაა, არ მინდოდა ამაზე კომენტარის გაკეთება. ხატებით არ შემოიფარგლება მარტო ამ გუნდის უზნეობა. იქ იყო - „ჯოჯოხეთს მოგიწყობთ," ეშმაკეულის გარდა ამას ვერც ვერავინ იტყვის და გააკეთებს. უღირსი საქციელია. შეიძლება სულ ათეისტი იყო ან „გირჩის“ ეკლესიასთან იყო ნაზიარები, მაგრამ არსებობს რაღაც ღირსება, საუკეთესო მემკვიდრეობა, ტრადიცია, რომელსაც არ უნდა გადაუარო ფეხით და ეს არ ეხება მხოლოდ „გირჩს“,"- განაცხადა გია ვოლსკიმ.
გუშინ, 25 ნოემბერს, ბიძინა ივანიშვილის სახლთან „გირჩის“ აქტივისტებმა აქცია-პერფორმანსი „მეფე ბიძინას ვუმღეროთ თავის რეზიდენციასთან" გამართეს.
აქციის მონაწილეებმა მსვლელობა პარლამენტის შენობიდან დაიწყეს. მათ თან ჰქონდათ „ხატები" ბიძინა ივანიშვილის გამოსახულებით. აქტივისტებმა რეზიდენციასთან სანთლები აანთეს და ივანიშვილს სიმღერა „ვხედავ მეცხვარეს“ უმღერეს.
