40 წლის განმავლობაში პირველად, შვედური ჯგუფი ABBA ალბომს გამოუშვებს. მისი სახელწოდებაა „Voyage“ და მასში 10 ახალი სიმღერა შედის. ალბომი 5 ნოემბერს გამოქვეყნდება. მანამდე ჯგუფმა ორი ახალი სიმღერა წარადგინა. მათი მოსმენა უკვე შეგიძლიათ. ესენია, „I Still Have Faith In You“ და „Donʼt Stoot Me Down“.

ახალი ალბომის მხარდასაჭერად 2022 წლის 27 მაისიდან ლონდონში, სპეციალურად შექმნილ საკონცერტო მოედანზე გაიმართება სერიების შოუ, რომლის ფარგლებშიც ჯგუფის წევრების ჰოლოგრამები სცენაზე თანმხლები ჯგუფის ათ მუსუკოსთან ერთად გამოჩნდება. ამ კონცერტისთვის ბილეთები 7 სექტემბრიდან გაიყიდება.

ABBA - პოპ-მუსიკის ისტორიაში ერთ-ერთი ყველაზე წარმატებული ჯგუფია. მის მიერ ოფიციალურად გაყიდული ჩანაწერების საერთო რაოდენობა 150 მილიონ ასლს შეადგენს. ჯგუფი 1972 წელს შეიქმნა და დაშლამდე (1982 წელი) 8 ალბომი გამოუშვა.