„თუ რუსეთის ხელისუფლება უპირობოდ მიიღებს გადაწყვეტილებას, რომ უვიზო მიმოსვლა დააწესოს საქართველოს მოქალაქეებისთვის, ეს იქნება ნორმალური", - აცხადებს ფრაქცია „ქართული ოცნება - რესპუბლიკელების" თავმჯდომარე დავით ბერძენიშვილი.
როგორც ბერძენიშვილი ამბობს, საქართველოს ხელისუფლება ამ საკითხზე რაიმე გავლენას ვერ მოახდენს და ვერავითარ შემხვედრ ნაბიჯს ვერ გადადგამს.
„თუ საუბარია დიპლომატიური ურთიერთობის აღდგენისკენ გადასადგმელ ნაბიჯებზე, ერთ ქვეყანაში სამი საელჩო არ შეიძლება იყოს, თბილისში, სოხუმსა და ცხინვალში", - თქვა დავით ბერძენიშვილმა.
რუსეთის პრეზიდენტმა ვლიდიმირ პუტინმა, რომელმაც პრესკონფერენციაზე „მაესტროს" შეკითხვებს უპასუხა, აღნიშნა, რომ რუსეთი მზადაა, საქართველოსთან სავიზო რეჟიმი შეწყვიტოს.
