„მოგეხსენებათ, რომ საქართველო დემოკრატიული ქვეყნის სტატუსს ინარჩუნებს, რაც პირდაპირ კავშირშია სიტყვის გამოხატვის თავისუფლებასთან. ამ უწყინარი ვიდეოკლიპით, „ბირჟა მაფიის“ წევრებმა თავიანთი სათქმელი თქვეს.
მიგვაჩნია, რომ ქმედება მათ წინააღმდეგ და სასჯელი, რომელიც მათ ემუქრებათ (თავისუფლების 20 წლამდე ან სამუდამო აღკვეთა) უსამართლო და შეუსაბამოა, ყოველგვარ აზრსა და ლოგიკას მოკლებული.
გარდა ამისა, სხვა საკითხია ის, რაც შინაგან საქმეთა სამინისტრომ განაცხადა. მოვითხოვთ დეტალურ გამოძიებას, რადგან მიგვაჩნია, რომ აღნიშნული რაოდენობის „მდმა“ არც კი ეკუთვნოდათ მიშკა მგალობლიშვილსა და გიორგი ქებურიას.
გთხოვთ, გაითვალისწინოთ ზემოთ აღნიშნული, გაეცნოთ საქმის დეტალებს და გაათავისუფლოთ „ბირჟა მაფიის" წევრები“,- ნათქვამია გავრცელებულ პეტიციაში.
თბილისის საქალაქო სასამართლოში დარეგისტრირდა პროცესი, სადაც მოსამართლე ბადრი შონია დაკავებული რეპერის, მიშკა მგალობლიშვილის აღმკვეთი ღონისძიების საკითხს განიხილავს. პროცესი 16:00 საათზეა ჩანიშნული.
„ბირჟა მაფიის“ წევრებს 20 წლამდე ან უვადო თავისუფლების აღკვეთა ემუქრებათ
„ეჭვი მაქვს, რომ ჩემს ქმარს ნარკოტიკები ჩაუდეს, ან უბრალოდ ტყუილ ბრალდებას უყენებენ“ - ასე აფასებს რეპერის მეუღლე ერიკა კოუპლენდი მიშკა მგალობლიშვილის დაკავებას და აღნიშნავს, რომ მომხდარს კლიპს უკავშირებს, რომელიც 4 ივნისს გამოქვეყნდა და რომელშიც პოლიციელია გაშარჟებული.
შსს-ს ინფორმაციით, სამართალდამცველებმა მგალობლიშვილს - ს პირადი ჩხრეკისას 1,4965 გრამი ნარკოტიკული საშუალება „მდმა“, ხოლო გიორგი ქებურიას-ს ჩხრეკისას 2,3342 გრამი „მდმა“ ამოიღეს. შსს-ს ცნობით, გ.ქ. დანაშაულს აღიარებს. ბრალიოს დამტკიცების შემთხვევაში მათ 8-დან 20 წლამდე ან სამუდამო პატიმრობა ემუქრება. მგალობლიშვილი ბრალს არ აღიარებს.
„ჩემს ქმარს რომ სცოდნოდა, პოლიციასთან მოუვიდოდა უთანხმოება ამის გამო, ვიდეოს არ ატვირთავდა. ძალიან ვნერვიულობ, რადგან შეიძლება იმისთვის დაიჭირონ, რაც არ გაუკეთებია“ - ამბობს დაკავებული რეპერის მეუღლე.
დაკავებული რეპერი ბრალს არ აღიარებს - მეუღლე დაკავებას ვიდეოკლიპს უკავშირებს
