„რა უნდა დაადგინოს საერთაშორისო ექსპერტმა, როცა მკვლელობის იარაღი განადგურებულია. ფარდული განადგურებულია. ყველამ კარგად იცის, რა გაკეთეს და რას აკეთებენ. ზუსტად ამიტომ არის ჩამოსაგდები შოთაძე დღეს. აქტიურად იყო ჩართული შოთაძე ამ ყველაფერში. ნივთმტკიცებები აღარ არსებობს. რა უნდა გამოიძიონ ახალმა პროკურორებმა." - განაცხადა ზაზა სარალიძემ შოთაძის ბრიფინგის შემდეგ. მისივე თქმით, ასევე უნდობლობას უცხადებს პარლამენტის დროებითი საგამოძიებო კომისიის ფორმატში საქმის გამოძიების ინიციატივას.
ზაზა სარალიძის თქმით, მისი ერთადერთი მოთხოვნა საქმის პროკურორების, ზვიად ფხაკაძისა და გუგუშვილის, შოთაძისა და მირზა სუბელიანის დაკავებაა, ასევე, ყველამ იმ პირის, ვინც მისი შვილის მკვლელობაში მონაწილეობდა.
ჟურნალისტის შეკითხვაზე, თუ რა საკითხებს განიხილავს ის შოთაძესთან შეხვედრის დროს, განაცხადა, რომ ჯერჯერობით ამაზე არ საუბრობს საჯაროდ. როგორც ცნობილია, ზაზა სარალიძემ შოთაძესთან შეხვედრის მზადყოფნა გამოხატა საჯაროდ. მისივე თქმით, ის შეხვდება მთავარ პროკურორს სხვა შვილმკვდარ მშობლებთან ერთად და ასევე მედიის მონაწილეობთ.
საერთაშორისო ექსპერტიზა და უცხოელი პროკურორები - შოთაძის ბრიფინგი ხორავას საქმეზე
დავით სარალიძის მკვლელობაში ბრალდებული გამართლდა, დადუნაშვილის - გამტყუნდა
ხორავას ქუჩის საქმეს პარლამენტში საგამოძიებო კომისია შეისწავლის - კობახიძის ბრიფინგი
