საკონსტიტუციო სასამართლოს გადაწყვეტილება ტელეკომპანია „იმედის“ ეთერში დეკანოზმა, ანდრია ჯაღმაიძემ შეაფასა. მისი თქმით, საკონსტიტუციო სასამართლო უნდა გაუქმდეს, რადგან მალე შესაძლოა, მოწევა სავალდებულოც კი გახდეს.
„ეს გადაწყვეტილება უკიდურესად ნეგატიურ მოლოდინს აჩენს. ვფიქრობ, საერთოდ გასაუქმებელია საკონსტიტუციო სასამართლო. არ შეიძლება, 4 კაცი 4 მილიონის ნებას უგულებელყოფდეს და მათ ბედს წყვეტდეს. კონსტიტუციის მე-16 მუხლზე დაყრნდობით მიიღო ეს გადაწყვეტილება საკონსტიტუციო სასამართლომ, ვფიქრობ ეს არის შორსმიმავალი გეგმები იმიტომ, რომ მე-16 მუხლში ძალიან მარტივი ფრაზა წერია: თითოეულ ადამიანს აქვს უფლება თვითგანვითარების. თუ ამ ლოგიკით სვლას გავაგრძელებთ ჩვენ მსგავს ლიბერალურ მიდგომას უნდა ველოდოთ კოკაინზე, ჰეროინზე და ა.შ.",- თქვა მამა ანდრიამ.
გუშინ საკონსტიტუციო სასამართლომ მარიხუანის მოხმარებაზე ყველა სანქციის გაუქმების შესახებ პარტია „გირჩის“ ლიდერების სარჩელი დააკმაყოფილა. სასამართლომ მარიხუანის მოხმარებისთვის არსებული ყველა სანქცია არაკონსტიტუციურად ცნო.
მარიხუანის მოხმარებაზე ყველა სანქციის გაუქმებაზე გირჩის სარჩელი საკონსტიტუციომ დააკმაყოფილა
მარიხუანის მოხმარებისთვის სანქციების გაუქმებაზე საკონსტიტუციო გადაწყვეტილებას აქვეყნებს
რა სანქციები რჩება მარიხუანის ფლობისთვის - იურისტის განმარტება
