„არ დაუშვა განათლების შეზღუდვა!“ - იბსუ-ს სტუდენტებმა სამინისტროსთან აქცია გამართეს. მათი მოთხოვნაა, გაუქმდეს გადაწყვეტილება უნივერსიტეტისათვის ერთი წლით პირველკურსელების მიღების შეზღუდვის თაობაზე.
დღესვე ცნობილი გახდა, რომ თანამდებობიდან გაათავისუფლეს განათლების ხარისხის განვითარების ეროვნული ცენტრის ხელმძღვანელი თამარ სანიკიძე. თუმცა აქციის მონაიწლეები აცხადებენ, რომ სანიკიძის გათავისუფლება საკმარისი არაა და მოითხოვენ უნივერსიტეტს პირველკურსელების მიღების შესაძლებლობა მიეცეს.
განათლების, მეცნიერების, კულტურისა და სპორტის მინისტრ მიხეილ ბატიაშვილს არ განუმარტავს უკავშირდება თუ არა თამარ სანიკიძის თანამდებობიდან გათავისუფლება შავი ზღვის საერთაშორისო უნივერსიტეტთან დაკავშირებით განვითარებულ მოვლენებს. მან თქვა, რომ ცვლილებები სამინისტროს სტრუქტურული რეფორმის ნაწილია. სანიკიძის გარდა თანამდებობიდან გათავისუფლდა სსიპ-ების ხელმძღვანელები, ასევე მინისტრის მოადგილეები ლია გიგაური და თეიმურაზ მურღულია.
მიმინოშვილი, სანიკიძე და სხვები - განათლების მინისტრმა სსიპის დირექტორები გაათავისუფლა
განათლების ხარისხის განვითარების ეროვნულმა ცენტრმა მიმდინარე წლის 20 აგვისტოს მიღებული გადაწყვეტილებით, შავი ზღვის საერთაშორისო უნივერსიტეტს სტუდენტების მიღება ერთი წლით აუკრძალა. უნივერისტეტის შეფასებით, საბჭოს მიერ უმაღლესი სასწავლებლისთვის სტუდენტების მიღების შეწყვეტის გადაწყვეტილება უსამართლო და არგუმენტმოკლებულია. უნივერსიტეტის სტუდენტებმა საბჭოს გადაწყვეტილება აქციებით აპროტესტებენ.
შავი ზღვის უნივერსიტეტის ავტორიზაციის საქმე - რევაზ ხოფერიას სამართლებრივი შეფასება
შავი ზღვის უნივერსიტეტს ავტორიზაციის საბჭომ სტუდენტების მიღება ერთი წლით შეუზღუდა
„საბჭომ კანონიერი გადაწყვეტილება მიიღო“ - სანიკიძე IBSU-თვის სტუდენტების მიღების შეჩერებაზე
განათლების სამინისტროსთან IBSU-ის მხარდასაჭერად მისული სტუდენტები მინისტრს ხვდებიან
სახელმწიფო რეპრესიები აზიანებს ქვეყნის განათლების სისტემას - CDI-ის და CCIIR-ის განცხადება
ფოტო ►„დადექი განათლების დასაცავად" - IBSU-ს სტუდენტები კანცელარიასთან აქციას მართავენ
