2018 წლის 8 თვის მდგომარეობით, საქართველოს სახელმწიფო ვალის მოცულობა 17 მლრდ ლარია, რაც ამ წლის ბიუჯეტით დადგენილი ზღვრის 95%-ია. ამ თანხიდან 3.9 მილიარდი ლარი საშინაო ვალია, ხოლო 14 მილიარდი - საგარეო.
როგორც სახელმწიფო აუდიტის სამსახურის მიერ მომზადებულ დოკუმენტში ვკითხულობთ, ლარის გაუფასურების გამო, სახელმწიფო ვალის ნაშთი წლის განმავლობაში მნიშვნელოვნად - 211 მლნ ლარით არის გაზრდილი. უწყების განმარტებით, თუ ლარის გაუფასურება გაგრძელდა, მოსალოდნელია, რომ ქვეყანამ ბიუჯეტით დადგენილი საგარეო ვალის ზღვრულ მოცულობას გადააჭარბოს.
