კონსტანტინოპოლის პატრიარქმა ბართლომემ უკრაინის ეკლესიის ავტოკეფალიის ტომოსის მიტროპოლიტ ეპიფანეს გადასცა. 

ბართლომემ დოკუმენტებს ხელი გუშინ სტამბოლში გამართულ ცერემონიალზე მოაწერა. 

რუსული 330-წლიანი რელიგიური კონტროლის შემდეგ, ისტორიული დოკუმენტით უკრაინის მართლმადიდებელ ეკლესიას დამოუკიდებლობა, ავტოკეფალია მიენიჭა. 

„უკრაინას ახლა შეუძლია ისარგებლოს ემანსიპაციით, დამოუკიდებლობით, თვითმმართველობით, გარე დამოკიდებულებისა და ინტერვენციისგან თავისუფლების გზით" - თქვა კონსტანტინოპოლის პატრიარქმა 5 იანვარს გამართულ ხელისმოწერის ცერემონიალზე. ორდღიან ცერემონიას უკრაინის პრეზიდენტრი პეტრო პოროშენკო ესწრებოდა. 

მსოფლიო პატრიარქმა უკრაინის ეკლესიის ავტოკეფალიის ტომოსს ხელი მოაწერა

15 დეკემბერს უკრაინის მართლმადიდებელი ეკლესიის ლიდერები ახალი ეროვნული მართლმადიდებელი ეკლესიის შექმნაზე შეთანხმდნენ და მის ხელმძღვანელად 39 წლის მიტროპოლიტი ეპიფანე აირჩიეს.

უკრაინის პრეზიდენტ პეტრო პოროშენკოს თქმით, ეროვნული უსაფრთხოება რუსეთისგან „სულიერ დამოუკიდებლობაზეა“ დამოკიდებული.

რას ნიშნავს კიევისა და სრულიად უკრაინის მიტროპოლიტად ეპიფანეს არჩევა