სოციალური მუშაკების განცხადებით, მათსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შორის მედიაციის პროცესი დაიწყო. ამის შესახებ ინფორმაცია facebook გვერდზე - „სოციალური მუშაკები სისტემური ცვლილებებისთვის“ გავრცელდა.
„გაცნობებთ, რომ მედიაციის პროცესი სოციალურ მუშაკებსა და სამინისტროს შორის დაიწყო. ამ პროცესში მედიატორის როლს ასრულებს ირაკლი ყანდაშვილი. სოციალურმა მუშაკებმა მას გააცნეს ყველა ის მოთხოვნა, რომლითაც 8 თებერვალს მიმართეს სამინისტროს.
საზოგადოებისა და პროფესიული თემის მხარდაჭერა უკიდურესად მნიშვნელოვანია ჩვენთვის და იმ ადამიანებისათვის, ვისაც ვემსახურებით! მადლობას გიხდით გამოხატული თანადგომისთვის და გთხოვთ ხელმოწერით შემოუერთდეთ პეტიციას“,- აცხადებენ სოციალური მუშაკები.
