ჭავჭავაძის #5-ში სამშენებლო სამუშაოების დროს ორი მუშის დაღუპვის გამო, დღეს, „სოლიდარობის ქსელის“ ორგანიზებით, მთავრობის კანცელარიასთან აქცია დაიწყო. აქციის მონაწლეები კანცელარიიდან ჭავჭავაძის #5-ისკენ მსვლელობით გაემართნენ.
აქციის მონაწილეები აცხადებენ, რომ ისინი არ დაიშლებიან მანამდე, სანამ არ მივლენ ხელისუფლების წარმომადგენლები,თბილისის მერი კახა კალაძე, პრემიერი მამუკა ბახტაძე და შრომის, ჯანმრთელობისა და სოციალური დაცვის მინისტრი დავით სერგეენკო. აქციის მონაწილეები აცხადებენ, რომ მათ უნდა გასცენ კითხვებს პასუხი, თუ როგორ ესახებათ არსებული სიტუაციიდან გამოსვლის გზები.
„11 საათამდე ველოდებით აღნიშნულ პირებს, ამ დრომდე დაველოდებით ჩვენ აქ. კეთილი ინებონ, მოვიდნენ, პასუხი გაგვცენ და პასუხისმგებლობა აიღონ ამ ადამიანების სიკვდილზე“ -აცხადებენ აქციის მონაწილეები.
2018 წელს საწარმოო შემთხვევის შედეგად 59 მუშა დაიღუპა და 199 დაშავდა - ომბუდსმენის ანგარიში
