ეს პლატფორმა დაბადებს პოლიტიკურ მოცემულობას, რომელიც დააბალანსებს და დაიცავს ქვეყანას ამ სიმახინჯისგან,- ამის შესახებ უმრავლესობის ყოფილმა წევრმა დეპუტატმა ლევან გოგიცაიშვილმა მოძრაობა „დაიცავი საქართველოს“ შეკრებაზე ფილარმონიაში განაცხადა.
მისი თქმით, დღეს ქვეყანაში სამართალი ამობრუნებულია და წინააღმდეგობაა საჭირო.
„ეს არის შემკვრელი, მაგალითი და საუკეთესო ილუსტრაცია, როდესაც სიმახინჯე შეგიძლია შემოაპარო და შესთავაზო სილამაზედ, მშვენიერებად, და თვალთმაქცობა, მექრთამეობა სიქველედ, ვაჟკაცობად და გამბედაობად. ამ მოცემულობაში ვართ, ყველაფერი თავდაყირა დგება და სხვა რაღაცებიც რომ არ ამოყირავდეს, ამისთვის წინააღმდეგობაა საჭირო", - განაცხადა გოგიჩაიშვილმა.
დღეს, 13 აპრილს ფილარმონიაში მოძრაობა „დაიცავი საქართველოს“ შეხვედრა გაიმართა. აღნიშნულ შეხვედრას „დაიცავი საქართველოს“ დამფუძნებლები, მოძრაობის მხარდამჭერები, პოლიტიკოსები და დიპლომატიური კორპუსის წარმომადგენლები დაესწრნენ.
გახდებიან თუ არა ოპოზიციის ოპოზიცია „ოცნებიდან“ წასული დეპუტატები - პოლიტოლოგების შეფასება
