აჭარის ტელევიზიის მრჩეველთა საბჭომ დირექტორის თანამდებობიდან ვადამდელ გათავისუფლებას მხარი დაუჭირა. 5 წევრიდან ოთხმა მხარი დაუჭირა კაპანაძის გადადგომას.
ნათია კაპანაძე „რადიო თავისუფლებასთან“ აცხადებს, რომ საბჭოს გადაწყვეტილებას სასამართლოში გაასაჩივრებს.
მისი თქმით, ყველა სამართლებლივ ბერკეტს გამოიყენებს და კანონის შესაბამისად იმოქმედებს.
აჭარის საზოგადოებრივი მაუწყებლის დირექტორის მოვალეობას ნათია ზოიძე, მაუწყებლის დირექტორის პირველი მოადგილე შეასრულებს.
11 აპრილს საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს ორმა წევრმა (ირაკლი დარცმელიძე, გიგა ჩხარტიშვილი) მრჩეველთა საბჭოს თავმჯდომარეს მიმართეს საზოგადოებრივი მაუწყებლის აჭარის ტელევიზიისა და რადიოს დირექტორის უნდობლობის პროცედურის დასაწყებად.
ფოტო: რადიო თავისუფლება
