სსაქართველოს სახალხო დამცველი ნინო ლომჯარია ამბობს, რომ უკიდურესად შემაშფოთებელია პანკისის ხეობაში მიმდინარე პროცესები.
„მოვუწოდებ ორივე მხარეს მოლაპარაკებების რეჟიმში გადასვლისკენ და საკითხის მოლაპარაკებების ფორმატში გადაჭრისკენ! უნდა გაგრძელდეს დიალოგი სახელმწიფოსა და მოსახლეობას შორის, მნიშვნელოვანია მოსახლეობის როგორც ინფორმირება, ასევე, მათი აზრის მოსმენა.
მზად ვარ ადგილზე შევხვდე დაპირისპირებულ მხარეებს.
ამ ეტაპზე ყველაზე მნიშვნელოვანია, არ მოხდეს დაპირისპირების გაღრმავება და დაცული იყოს ადამიანების უსაფრთხოება, "- ამბობს ნინო ლომჯარია.
LIVE► პანკისის ხეობაში ჰესების წინააღმდეგ აქცია იმართება, მობილიზებულია სპეცრაზმი
პანკისის ხეობაში რამდენიმე ასეული ადამიანი ჰესების მშენებლობას აპროტესტებს. ხეობაში მობილიზებულია სპეციალური დანიშნულების რაზმებიც. სამართალდამცველებსა და მოქალაქეებს შორის დაპირისპირება გრძელდება, დაშავდა აქციის რამდენიმე მონაწილე.
პანკისის ხეობაში მდგომარეობა დაძაბულია, ადგილობრივები სამედიცინო დახმარებას ითხოვენ
ახლა სიმშვიდეა, მაგრამ მოსახლეობა დაშლას არ აპირებს - სულხან ბორძიკაშვილი
