„სოლიდარობა პანკისს“- პარლამენტთან აქცია იმართება

„ლიბერალი"

ახალი ამბები / საზოგადოება

21 აპრილი, 2019 19:20

თბილისში პარლამენტის შენობასთან აქცია დაიწყო. მოქალქეები დღეს პანკისში განვითარებულ მოვლენებს ეხმაურებიან და სოლიდარობას უცხადებენ პანკისელებს.

„დღეს დილით პანკისის ხეობაში ჰესების სამშენებლო სამუშაოები განახლდა. ხელისუფლებამ და ჰესის მშენებელმა კომპანიამ პირობა დაარღვიეს. მათ მდინარის კალაპოტში სამუშაოები ადგილობრივ მოსახლეობასთან მოლაპარაკებების დასრულების შემდეგ უნდა დაეწყოთ. ხელისუფლებისა და კომპანიის მიერ ადგილობრივთა მოტყუებას პანკისელთა უმკაცრესი რეაქცია მოჰყვა. ხეობის მკვიდრნი ქუჩაში გამოვიდნენ და მძიმე სამშენებლო ტექნიკას გზა გადაუღობეს. ხელისუფლებამ დღესაც ძალადობრივი გზა აირჩია, უარი თქვა პროტესტის მონაწილეებთან დისკუსიაზე და ახმეტის რაიონის სოფლებში სპეცდანიშნულების რაზმი შეიყვანა. ხელკეტებითა და ცრემლმდენი გაზით შეიარაღებულმა პოლიციელებმა საპროტესტო აქცია დაშალეს.

მანანა კოჩლაძე, ორგანიზაცია "მწვანე ალტერნატივა"

სოფო ვერძეული, ადამიანის უფლებების სწავლების და მონიტორინგის ცენტრი (EMC)

არა ძალადობას! არა ადამიანებისა და ბუნების განადგურებას!
სოლიდარობა პანკისის ხეობას!"- ამბობენ აქციის ორგანიზატორები.