დეპუტატი ლევან გოგიჩაიშვილი ეკა ბესელიას ახალი პოლიტიკური პარტიის წევრი არ იქნება. ამის შესახებ გოგიჩაიშვილმა „ლიბერალს“ განუცხადა. თუ რა გახდა ამის მიზეზი, გოგიჩაიშვილის პასუხს მიღებისთანავე შემოგთავაზებთ.
ლევან გოგიჩაიშვილმა საპარლამენტო უმრავლესობა 21 თებერვალს დატოვა. მან თავისი გადაწყვეტილების შესახებ პლენარული სხდომის შემდეგ განაცხადა, რომელზეც მისი, ეკა ბესელიას და კიდევ 7 დეპუტატის ინიციატივა ჩავარდა. კანონპროექტით, მოსამართლეთა უვადოდ დანიშვნა 2024 წლამდე უნდა გადადებულიყო.
ეკა ბესელიამ ახალი პოლიტიკური პარტიის - „სამართლიანობისთვის" შექმნის შესახებ დღევანდელ ბრიფინგზე განაცხადა.
ეკა ბესელიას განმარტებით, ახალი პოლიტიკური პარტია იდეოლოგიით „დაეფუძნება ცენტრისტულ მიმართულებას და იქნება ევროპული კონსერვატიზმის მიმართულებით“.
ეკა ბესელიამ პოლიტიკური პარტია - „სამართლიანობისთვის" შექმნა
