პროფკავშირების გაერთიანების ყრილობაზე თავმჯდომარის ოთხი მოადგილე აირჩიეს. ესენია: რაისა ლიპარტელიანი(პროფკავშირების იურიდიული დეპარტამენტის ხელმძღვანელი), ეთერ მათურელი(პროფკავშირების თავმჯდომარის მოქმედი მოადგილე), თამაზ დოლაბერიძე(მეტალურგიული და სამთო მრეწველობის მუშაკთა პროფკავშირების ხელმძღვანელი) და ლავრენტი ალანია( ტრანსპორტისა და გზების მუშაკთა პროფკავშირის თავმჯდომარე).
დღეს საქართველოს პროფესიული კავშირების გაერთიანების თავმჯდომარედ ირაკლი პეტრიაშვილი აირჩიეს. მას 139-მა დელეგატმა დაუჭირა მხარი. მისმა კონკურენტმა ამირან ზენაიშვილმა კი 62 ხმა მიიღო. 2 ბიულეტენი გაბათილდა.
„საქართველოს პროფკავშირებმა ტესტი ჩააბარა. მიუხედავად უდიდესი ზეწოლისა, ამ ადამიანებმა გაუძლეს გაუსაძლისს და დააფასეს ის შრომა და ის ღვაწლი, რაც მე ჩემმა ოჯახმა და ჩემმა აღზრდამ მომცა. ის სიბინძურე, რაც ტელევიზიების მეშვეობით ხორციელდებოდა, ამ ხალხმა ჩემს მშობლებს უთხრა, რომ ნაგავი არ გაუზრდიათ და გაზარდეს კაცი, მადლობა ამ დელეგატებს“, - განაცხადა პეტრიაშვილმა კენჭისყრის შედეგების გამოცხადების შემდგომ.
ირაკლი პეტრიაშვილი პროფკავშირების თავმჯდომარედ მეოთხედ აირჩიეს
დათო ოქიტაშვილი: გარწმუნებთ, პეტრიაშვილი თავისით გადადგება ან დაიჭერენ
დათო ოქიტაშვილმა პროფკავშირების თავმჯდომარეობის არჩევნებში კანდიდატურა მოხსნა