ტყიბულის საავადმყოფოს ექიმი ამბობს, რომ დღეს დილით, შახტში დაშავებულთა მდგომარეობა მძიმე, მაგრამ სტაბილურია.
დღეს დილით ტყიბულში, მინდელის სახელობის შახტში 4 მეშახტე დაიღუპა, 6 კი დაშავდა.
როგორც ექიმმა „რუსთავი 2-ს“ განუცხადა, დაშავებულთაგან ორი კატასტროფის ბრიგადებმა თბილისის დამწვრობის ცენტრში გადაიყვანეს. ერთ-ერთი დაშავებულის გადაყვანაზე მიმდინარეობს მსჯელობა, რაც შეეხება დანარჩენ ორს, ისინი ტყიბულის საავდმყოფოში განაგრძობენ მკურნალობას.
„გამოძიების პირველადი ინფორმაციით, შახტის ერთ-ერთ გვირაბში, სავარაუდოდ მეთანის აფეთქების შედეგად კედლების დეფორმაციას ჭერის ჩამოშლა მოჰყვა. სხეულის მძიმე დაზიანებები მიიღეს შახტის მიწისქვეშა სამთო ოსტატებმა - 1961 წელს დაბადებულმა მ.ლ-მ, 1963 წელს დაბადებულმა მ.გ.-მ, 1988 წელს დაბადებულმა ლ.ფ-მ და 1961 წელს დაბადებულმა ი.ქ-მ, რომლებიც მიღებული
დაზიანებების შედეგად ადგილზე გარდაიცვალნენ“,- ნათქვამია შსს-ს განცახდებაში.
შსს-ს ინფორმაციით, გამოძიება სისხლის სამართლის კოდექსის 240-ე მუხლის მეორე ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
შსს: შახტში სავარაუდოდ მეთანის აფეთქებისას კედლების დეფორმაციას ჭერის ჩამოშლა მოჰყვა
ქალაქი, რომელიც გლოვით დაიღალა
ფოტო ► დაღუპული მეშახტეები 14 მაისს გაასვენეს