ტყიბული. 14 მაისი. მეშახტე ალეკო ჭელიშვილის გასვენება;
9 მაისს, ტყიბულში ოთხი მეშატხე დაიღუპა. ბაგირი ჩაუწყდათ და 400 მეტრის სიმაღლიდან შახტის სიღმეში ჩაცვივდნენ. სხეულების ნაწილები ძლივს მოძებნეს. კომპანიამ თქვა, რომ ეს უბედური შემთხვევა იყო - დაუდევრობა თვითონ მეშახტეებისა. ადგილობრივები კომპანიას უსაფრთხოების ნორმების დარღვევაში ადანაშაულებდნენ. იმის ფონზე, რომ ეს შატხაში მუშების დაღუპვის პირველი შემთხვევა არ იყო, კომპანიის პოზიცია მათთვის გამაღიზიანებელი და არადამაჯერებელი იყო.
14 მაისს ოთხივე გაასვენეს. გიზო გუბელიძე, ალეკო ჭელიშვილი, ვიქტორ დაღუნდარიძე და გიზო კუბლაშვილი ტყიბულის ქუჩებიდან ადგილობრივების გარდა, იქ ჩასულმა სხვა ბევრმა ადამიანმა გააცილა.
ფოტოზე ალეკო ჭეიშვილის სახლიდან გამოსვენების წუთებია. მეშახტეებისთვის სამოქალაქო პანაშვიდი ტყიბულის ეკლესიაში უნდა გადაეხადათ, მაგრამ ბოლო წუთებში, ოჯახის წევრებმა გადაიფიქრეს.
მეშახტეების დაღუპვის შემთხვევაზე გამოძიება დაიწყო. ჯერ კიდევ უცნობია ოფიციალური ვერსია იმისა, მუშები საკუთარი დაუდევრობის გამო თუ კომპანიის მხრიდან უსაფრთხოების ნორმების არქონის მიზეზით დაიღუპნენ.