ადამიანის უფლებების მდგომარეობის შესახებ  Amnesty International- მა  2017 წლის ანგარიში წარმოადგინა. ანგარიშში 159 ქვეყანაში ადამიანის უფლებების მდგომარეობაა შეფასებული, მათ შორის, საქართველოში.

შრომით უფლებებთან დაკავშირებით, ანგარიშში ვკითხულობთ, რომ 2017 წლის განმავლობაში სამუშაო ადგილზე უბედური შემთხვევების შედეგად ათეულობით ადამიანი გარდაიცვალა. მსხვერპლის განსაკუთრებით დიდი ნაწილი მაღაროებსა და მშენებლობებზე დასაქმებულ მუშებზე მოდიოდა.

ანგარიშის მიხედვით, შრომით უფლებებთან დაკავშირებით კვლავინდებურად დგას რეგულაციების გამკაცრებისა და დამოუკიდებელი მარეგულირებელი ორგანოს მიერ მათი ეფექტიანი მონიტორინგის საჭიროება.

1209 - უსაფრთხო შრომის კანონის მოთხოვნით

ბოლო 6 წლის განმავლობაში სამუშაო ადგილზე დაიღუპა და დაშავდა 1209 მუშა.

1209 დაღუპულს შორისაა ის 4 ადამიანიც, რომლებსაც მაისში ტყიბულის შახტში ბაგირი ჩაუწყდათ და 400 მეტრის სიმაღლიდან შახტის სიღრმეში ჩაცვიცდნენ.

პარლამენტი „შრომის უსაფრთხოების” კანონპროექტზე უკვე მერვე თვეა მსჯელობს. განხილვა 2017 წლის ივნისში დაიწყო.

ამ პერიოდის განმავლობაში 5 სამუშაო შეხვედრა გაიმართა. მოლოდინი, რომ ცვლილებებს პარლამენტი 2017 წლის ბოლომდე დაამტკიცებდა, არ გამართლდა.

ვიდეო ► „1209“ - აქცია სამუშაო ადგილებზე მუშების დაღუპვის გამო

შრომითი სტანდარტი - რა გაკეთდა და არ გაკეთდა ასოცირების დღის წესრიგის ანგარიშის თანახმად

კვლევა: მოსახლეობის 27% მიიჩნევს, რომ ქვეყანაში ყველაზე ხშირად შრომითი უფლებები ირღვევა​