„რადიო თავისუფლების“ ქართული სამსახურის უფროსი ნათია ზამბახიძე გახდა. ამის შესახებ ინფორმაცია „ლიბერალს“ სანდო წყარომ მიაწოდა. 

ნათია ზამბახიძე ვაშინგტონში საქართველოს საელჩოში მუშაობდა. მანამდე ის ტელეკომპანია „რუსთავი 2“-ის ჟურნალისტი იყო. 

30 იანვარს „რადიო თავისუფლების“ ქართული სამსახურის ყოფილი უფროსი დავით კაკაბაძე სამსახურიდან გაათავისუფლეს. რამდენიმე დღეში თანამდებობა დატოვა რადიო თავისუფლების თბილისი ბიუროს ხელმძღვანელმა მარინა ვაშაყმაძემ. 

„რადიო თავისუფლების“ ქართული სამსახურის უფროსი დავით კაკაბაძე გაათავისუფლეს

რატომ დატოვა მარინა ვაშაყმაძემ "რადიო თავისუფლება"

დავით კაკაბაძის შესაძლო გათავისუფლებაზე და ქართულ სამსახურსა და მენეჯმენთან უთანხმოებაზე თავდაპირველად გამოცემა BBG Watch წერდა.   BBG Watch ამბობდა, რომ „რადიო თავისუფლების“ სათავო ოფისი ქართულ ბიუროზე ზეწოლას ცდილობს. ამერიკული მედიასაშუალების მიხედვით, „რადიო თავისუფლების“ სათავო ოფისის მენეჯმენტი ქართულ სამსახურს „რუსთავის 2“-თან თანამშრომლობას აძალებს და ბიუროს დირექტორის დავით კაკაბაძის სამსახურიდან გათავისუფლებას ცდილობს. როგორც BBG Watch იუწყებოდა მათ ზეწოლის შესახებ არაერთი წყაროსგან გაიგეს.

BBG Watch: „რადიო თავისუფლების“ სათავო ოფისი ქართულ სამსახურზე ზეწოლას ცდილობს

რაზე ისაუბრეს NGO-ების წარმომადგენლებმა „რადიო თავისუფლების" ვიცე-პრეზიდენტთან შეხვედრაზე​

რა მოთხოვნებს უნდა აკმაყოფილებდეს "რადიო თავისუფლების" ქართული სამსახურის ახალი დირექტორი​