„პატრიოტთა ალიანსის” წევრს, ადა მარშანიას იმედი აქვს, რომ გედევან ფოფხაძე „პატრიოტთა ალიანსში“ შესვლის საკითხს განიხილავს. მან ამის შესახებ ჟურნალისტებთან ისაუბრა.
„მივესალმები ბატონი გედევანის გადაწყვეტილებას, ის გამორჩეული ადამიანია უმრავლესობაში. ეს ყოველთვის ვიცოდი. კიდევ ერთხელ ეს დამტკიცდა დღეს და ვიმედოვნებ, რომ ბატონი გედევანი განიხილავს სერიოზულად ჩვენს ფრაქციაში შემოსვლის საკითხს. მგონი ბევრ საკითხში ჩვენ ერთად ვფიქრობთ და აზროვნება ერთი გვაქვს”, – ამბობს მარშანია.
დეპუტატი გედევან ფოფხაძე საპარლამენტო უმრავლესობას ტოვებს. მისი განმარტებით, მისი გადაწყვეტილება საზოგადოებრივი მაუწყებლის სამეურვეო საბჭოს წევრად მმართველი გუნდის წევრების მხრიდან ნინია კაკაბაძის კანდიდატურის მხარდაჭერას უკავშირდება.
ნინია კაკაბაძის სამეურვეო საბჭოში არჩევის გამო გედევან ფოფხაძე უმრავლესობას ტოვებს
პარლამენტმა საზმაუს ბორდის წევრებად ოსიპოვა და კაკაბაძე აირჩია
კილაძე ფოფხაძეზე: ნინია კაკაბაძის არჩევა უფრო საბაბია და მიზეზი ალბათ სხვაა
