„ქართული ოცნების" წევრები პარტიის სხდომის დასრულების შემდეგ ამბობენ, რომ შეხვედრაზე მთავრობაში შესაძლო საკადრო ცვლილებებზე არ უსაუბრიათ.
არჩილ თალაკვაძემ ჟურნალისტებს უთხრა, რომ შეხვედრაზე ეს საკითხი არ განუხილავთ, არამედ მათ განიხილეს UNICEF-ის მოსახლეობის კეთილდღეობის კვლევა.
„ამ კვლევამ გვაჩვენა, რომ ეკონომიკურმა ცვლილებებმა გამოიღო შედეგები, და გვაჩვენა, რომ ჩვენი არაერთ მოქალაქე კვლავ რჩება სიღარიბის წინაშე. საჭიროა სამოქმედო გეგმა" - თქვა თალაკვაძემ.
შეკითხვაზე, განიხილეს თუ არა საკადრო ცვლილებები, პირდაპირი პასუხი არ გაუცია დეპუტატ ეკა ბესელიას, რადგან ეს „შიდაპარტიული შეხვედრა" იყო.
„ვისაუბრეთ ბევრ საკითხზე, კვლევაზე, მაგრამ ვერ ვისაუბრებ, რაზე. ეს იყო შიდაპარტიული შეხვედრა, შიდა დისკუსია და არ მიმაჩნია სწორად ამის შესახებ საუბარი" - თქვა ბესელიამ.
საკადრო ცვლილებების განხილვას უარყოფს ლევან კობერიძეც.
