მაგრამ, ჩემი აზრით, ჩვენ ეს შესაძლებლობა უნდა გამოვიყენოთ უფრო ფართო დისკუსიისათვის. როგორი უნდა იყოს ილიაუნი, მისი სამომავლო განვითარების ხაზი? როგორი უნივერსიტეტი გვინდა რომ ვიყოთ? რა არის მთავარი პრობლემები და გამოწვევები? რა გვინდა, რომ დარჩეს? რა გვინდა, რომ შეიცვალოს?

გიწვევთ ყველას, ვისაც ამ საკითხებზე მსჯელობა გინდათ და ვისთვისაც ილიაუნის განვითარება და მომავალი მნიშვნელოვანია, ჩვენს ყველაზე დიდ, ბ 201 აუდიტორიაში, ჭავჭავაძის 32-ში, პარასკევს, 19.00 საათზე. ეს არ იქნება ჩემი პრეზენტაცია, ეს იქნება ფორუმი ყველა იმ ადამიანისათვის, რომელსაც ამ საკითხებზე აზრის გამოთქმა სურს“, - წერს გიგა ზედანია Facebook-ზე.

ილიას უნივერსიტეტის ბიზნესის სკოლის დეკანმა, გიორგი ქადაგიძემ 31 იანვარს განაცხადა, რომ დეკანის თანამდებობიდან გადააყენეს. ქადაგიძე ამტკიცებს, რომ მისი გათავისუფლების მიზეზი ცვლილებების შიში და ძირეული სიახლეების მიუღებლობა იყო.

უნივერსიტეტის რექტორმა გიგა ზედანიამ ქადაგიძეს იმავე დღეს უპასუხა. მისი თქმით, ქადაგიძის გადაყენების მიზეზი რეორგანიზაცია იყო, რომლის ფარგლებშიც ბიზნესის სკოლა სხვა პროგრამებთან გაერთიანდა. ახალი დეკანის პოზიციაზე კი კონკურსი გამოაცხადეს და ქადაგიძეს შეეძლო, მასში მონაწილეობა მიეღო.

ქადაგიძის გათავისუფლების მიზეზებზე განცხადება გაავრცელა ილიაუნის აკადემიურმა საბჭომაც და გაიზიარა უნვიერსიტეტის რექტორის პოზიცია. თავად გიორგი ქადაგიძე კი 4 თებერვალს სტუდენტებს შეხვდა და უნივერსიტეტის ადმინისტრაციას 24 საათი მისცა რეორგანიზაციის გასაუქმებლად და სხვა მოთხოვნების დასაკმაყოფილებლად.

გიორგი ქადაგიძემ და გიგა ზედანიამ „რუსთავი 2-ზე“ დებატებიც გამართეს. ილიას უნივერსიტეტში კი სტუდენტები საპროტესტო აქციებს მართავენ. ჯერჯერობით უნივერსიტეტის ადმინისტრაციას გიორგი ქადაგიძის მოთხოვნები არ შეუსრულებია და რეორგანიზაციას ისევ მხარს უჭერს.