საფინანსო-საბიუჯეტო კომიტეტის სხდომაზე „თიბისი ბანკის“ დამფუძნებელმა, მამუკა ხაზარაძემ განაცხადა, რომ გიორგი გახარიასგან მიღებულ წერილს გაასაჯაროებს მაშინ, როცა საგამოძიებო ორგანო შეიქმნება.
„მე, სიმართლე გითხრათ, ძალიან ცოტა იმედი მაქვს, რომ რაღაცები გაირკვევა ამ ქვეყანაში. ამიტომ პირდაპირ გეუბნებით, გპირდებით, რომ ამას მე გავასაჯაროებ, მაგრამ გავასაჯაროებ, როდესაც იქნება რაღაც საგამოძიებო ორგანო შექმნილი, სადაც ამაზე რეაგირებისა და გამოძიების საშუალება იქნება. რადგან ვთქვი ამ მაღალი ტრიბუნიდან, მე მაღალი პასუხისმგებლობის მატარებელი ადამიანი ვარ და გარწმუნებთ, რომ ამ წერილს გავასაჯაროებ, მაგრამ არა ამ ფორმით, არა ჟურნალისტებთან და არა იმიტომ, რომ რაღაც ორთქლი გამოვიდეს და მერე ეს თემა დამთავრდეს,“ - განაცხადა ხაზარაძემ.
მამუკა ხაზარაძის თქმით, წერილი, რომელიც, მისი შეფასებით, იყო მუქარის შემცველი, არჩევნების მეორე ტურამდე გიორგი გახარიასგან მიიღო.
„არჩევნების მეორე ტურის წინ მივიღე წერილი ერთ-ერთი მაღალჩინოსნისგან, რომელიც პირდაპირი მუქარით მეუბნება, რომ ჩვენს რეპუტაციას დაანგრევენ საერთაშორისო ასპარეზზე. იქ იყო მოთხოვნები, რომელიც ჩვენ არ შევასრულეთ." - განაცხადა ხაზარაძემ.
მეორე ტურამდე მივიღე მუქარის წერილი მაღალჩინოსნისგან - ხაზარაძე
ხაზარაძის თქმით, მუქარის შემცველი წერილის ავტორი გიორგი გახარიაა
ეროვნული ბანკის პრეზიდენტი და მოადგილე პირდაპირ გვაშანტაჟებდნენ - ხაზარაძე
„ცენტრალურ მოედანზე სხედან“ - ხაზარაძის თქმით, იციან ადგილი საიდანაც განხორციელდა კიბერშეტევა
ხაზარაძე - ოთახებში წყდება ბიზნესის საკითხები. ვწუხვარ, რომ ასეთ შეხვედრაზე მეც ვიყავი
