Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

საზოგადოებრივმა მაუწყებელმა TNS-სთან ხელშეკრულება გააფორმა

06 ოქტომბერი 2016

საზოგადოებრივი მაუწყებლის, „იმედის”, „მაესტროსა“ და „GDS”-ისთვის ეგზიტპოლს კომპანია „TNS” მოამზადებს. 

საზოგადოებრივმა მაუწყებელმა ხელშკრულება კომპანია TNS-თან 4 ოქტომბერს გააფორმა. საზოგადოებრივი მაუწყებლის სამეურვეო საბჭომ ეგზიტპოლის სხვა ტელევიზიებთან ერთად ჩატარებაზე გადაწყვეტილება 7 სექტემბერს მიიღო, თუმცა ხელშეკრულება TNS-თან 4 ოქტომბრამდე გაფორმებული არ იყო.

საველე სამუშაოებზე საზოგადოებრივი აზრისა და ბიზნესის კვლევის საერთაშორისო ცენტრი, კომპანია GORBI იქნება პასუხისმგებელი. 

ეგზიტპოლის შედეგები არჩევნების დღეს საღამოს 8 საათისთვის გახდება ცნობილი. ეგზიტპოლი ჩატარდება საქართველოს მთელ ტერიტორიაზე (გარდა ოკუპირებული ტერიტორიებისა) 3634 საარჩევნო უბანზე, საქართველოს 73 რაიონში . TNS-ის ცნობით, მობილიზებული იქნება 975 ადამიანი საქართველოში. პროპორციული სიის მონაცემების გარდა, ეგზიტპოლი მონაცემებს აჩვენებს 10 მაჟორიტარ დეპუტატზე -  თბილისში (3), გორში, თელავში (ყვარელში), მარტვილში, აბაშაში, ზუგდიდსა და ბათუმში.

საზოგადოებრივი მაუწყებლის გადაწყვეტილება არაერთმა არასამთავრობო ორგანიზაციამ გააკრიტიკა. მათი თქმით, კერძო ტელეკომპანიებთან ერთად ეგზიტპოლის ჩატარების შესახებ მიღებული გადაწყვეტილება საზოგადოებრივი მაუწყებლის მიმართ საზოგადოების ნდობას შეამცირებს. 

საგულისხმოა, რომ TNS-სთან თანამშროლობის გამოცდილება აქვს ბიძინა ივანიშვილის მიერ დაფუძნებულ ორგანიზაცია „მოქალაქეს" 2014 წელს „მოქალაქემ" TNS-ს მედიაგარემოს კვლევა დაუკვეთა.

კომენტარები

ამავე რუბრიკაში

08 ივნისი
08 ივნისი

რატომ უნდა ვიცნობდეთ რეი კურზველს?

ლიბერალმა“, როგორც მედიაპლატფორმამ, არაერთი საზოგადოებრივ-პოლიტიკური პერიპეტია გამოიარა. რამდენჯერმე შეიცვალა სარე ...
12 დეკემბერი
12 დეკემბერი

რა მოხდა „ლიბერალში"

დეკემბრიდან „ლიბერალის" რედაქციამ მუშაობა შეწყვიტა. ახალმა სარედაქციო გუნდმა ჟურნალში მუშაობა 2019 წლის ივნი ...
29 ნოემბერი
29 ნოემბერი

დროა მხარეებმა ერთმანეთთან საუბარი დაიწყ ...

საქართველოში ევროკავშირის ელჩმა, კარლ ჰარცელმა ჟურნალისტებს ხელისუფლებისა და ოპოზიციის წარმომადგენლებს შორის ხვალ დაანონ ...

მეტი

^