დღეს, თბილსის საქალაქო სასამართლომ ორი ტრანსგენდერი ქალისა და ორი დაპირისპირებული მოქალაქის საქმე განიხილა. სასამართლომ პირს, რომელზეც ტრანსგენდერი ქალები ამბობდნენ, რომ იმუქრებოდა, 100 ლარიანი ჯარიმა შეუფარდა წვრილმანი ხულიგნობისთვის, მეორე მოქალაქის მიმართ კი საქმისწარმოება შეწყვიტა. შსს-ს ინფორმაციით, გამოძიება დაწყებული იყო 151-ე - მუქარის მუხლითაც.

როგორც იურისტი ნინო ბოლქვაძე ამბობს, ტრანსგენდერი ქალების სასამართლო სხდომა 4 მაისამდე გადაიდო, რათა დაიკითხონ მოწმეები. ბოლქვაძის თქმით, ერთ-ერთ ტრანსგენდერ ქალს სხეულზე დაზიანებებიც აღენიშნება. გამოძიება ორივე ტრანსგენდერ ქალს 166-ე მუხლის დარღვევისთვის ედავება (წვრილმანი ხულიგნობა), ერთ-ერთს ასევე 173-ე მუხლით (პოლიციის მოთხოვნისადმი დაუმორჩილებლობა).

 სახალხო დამცველის წარმომადგენლის, გვანცა ჩხაიძის ინფორმაციით, გუშინ წყნეთის ქუჩაზე მოქალაქეებს შორის მოხდა პირადი კონფლიქტი, სიტყვიერი შეურაცხყოფა მიაყენეს ტრანსგენდერ ქალებს და ასევე აღინიშნა მუქარის ფაქტი, რის შემდეგაც გამოიძახეს საპატრულო ეკიპაჟი.