მამუკა ბახტაძის მინისტრთა-კაბინეტში საგარეო საქმეთა მინისტრის მოვალეობის შემსრულებელი მიხეილ ჯანელიძე და ეკონომიკის მინისტრის მოვალეობის შემსრულებელი დიმიტრი ქუმსიშვილი აღარ იქნებიან.
როგორც ფრაქცია „ქართული ოცნების" თავმჯდომარემ, მამუკა მდინარაძემ განმარტა, ამჟამად მამუკა ბახტაძე კონსტიტუციურ ვადებში პარლამენტს ფორმალურად წარუდგენს მინისტრთა-კაბინეტის შემადგენლობას.
უკვე ცნობილია, რომ თუნდაც ფორმალურად დასახელებულ შემადგენლობაშიც კი, რომელსაც ბახტაძე პარლამენტს დღეს წარუდგენს, აღარ იქნებიან დიმიტრი ქუმსიშვილი და მიხეილ ჯანელიძე. მათ ნაცვლად, მინისტრობის კანდიდატებად მათი მოადგილეებს წარადგენენ. პირველ ეტაპზე მოადგილეს წარადგენენ ფინანსთა მინისტრობის კანდიდატადაც.
მოგვიანებით კი სამინისტროების შემცირების მიზნით მომზადდება კანონპროექტი, რომლის ამოქმედების შემდეგაც მამუკა ბახტაძე მთავრობის განახლებულ შემადგენლობას კიდევ ერთხელ უკვე შემცირებული სამინისტროებით წარადგენს.