Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

ფემინსტრიმი ► ქალი, რომელმაც ძალადობაზე გაიმარჯვა

10 ოქტომბერი 2018

ქალთა ფონდი საქართველოში და ჰაინრიჰ ბიოლის ფონდი აგრძელებს პროექტს “ფემინსტრიმი”. პროექტის მიზანია ქართულ მედიასივრცეში ახალი სადისკუსიო ნიშის გაძლიერება ფემინისტური აუდიო პოდკასტების შექმნის გზით.

მეუღლესთან 18-წლიანი თანაცხოვრების შემდეგ, ანასტასიამ გააცნობიერა, რომ  ის ძალადობის მსხვერპლი იყო. დიდი ბრძოლის შემდეგ  დატოვა სახლი, რომელიც ძალიან ჰგავდა საპყრობილეს.

ანასტასია 40 წლისაა. ბავშვობიდან მსახიობობაზე ოცნებობდა. მისი ოცნებები მაშინ დაიმსხვრა, როცა 19 წლის ასაკში სრულიად უცხო მამაკაცს გაჰყვა ცოლად. ეს იძულებით მოხდა.  

ის 3 შვილის დედაა. ამდენი წლის შემდეგ დღეს უკვე თავისუფლად შეუძლია თქვას, რომ არ მოერიდება ცეკვა, რომელიც ასე ძალიან უყვარს და თავისუფლებას ანიჭებს, რადგან მან თამამად დაამსხვრია სტერეოტიპი  იმის შესახებ, რომ  ქალმა თავი უნდა შეიკავოს  ყველა იმ სიამოვნებისგან, რაც მას ბედნიერებას ანიჭებს.

.....

„ჩემი ცხოვრება თავიდანვე ძალიან რთულად წარიმართა. 19 წლის ასაკში  სრულიად უცნობმა ადამიანმა მომიტაცა და უცხო ადამიანის მეუღლე გავხდი.

იმ პერიოდში უკან დაბრუნება შეუძლებელი იყო, დავრჩი ოჯახში და  გავაგრძელე ცხოვრება. სხვანაირი აღმოჩნდა ჩემი მეუღლე, არ ერგებოდა ჩემს ხასიათს.  მაგრამ იმ პერიოდში, მე მას ყველაფერს ვპატიობდი. მეგონა, რომ სიყვარულის გამო ვპატიობდი, შეგუების გამო ვპატიობდი და ასეთ გარემოში გაჩნდა ჩემი სამი შვილი.

მართალი გითხრათ, სანამ თვითონ არ გავაცნობიერე, რომ რაღაც არასწორად ხდებოდა ჩემს ცხოვრებაში, სხვას რომ ეთქვა, ძალადობის მსხვერპლი ხარო, არ დავიჯერებდი, რადგან ყოველთვის მეგონა, რომ ყველაფერს ვაკეთებდი, რასაც ქართული, ტრადიციული ოჯახისთვის უნდა აკეთებდეს ქალი, რასაც ქმრისთვის უნდა აკეთებდეს და რა მსხვერპლსაც უნდა იღებდეს. ნამდვილად არ მეგონა, რომ ეს არასწორი იყო.

შემდეგ ურთიერთობა დაიძაბა. მე მეტი წავიკითხე, მეტი რამ გავიგე და მივხვდი, რომ არასწორად ვცხოვრობდი. გავაცნობიერე, რომ ჩემი ცხოვრება არ იყო ჩვეულებრივი ქალის ცხოვრება. მივხვდი, რომ ვიყავი ძალადობის მსხვერპლი.

როცა ტრენინგებზე ჩამოთვალეს, რა სახის ძალადობა არსებობს, აღმოჩნდა, რომ მე ყველა ეს ფორმა გამოცდილი მქონდა. თურმე  ყველა გამომიცდია, რომელსაც თავის დროზე ვერ ვაცნობიერებდი, ფსიქოლოგიური, ფიზიკური ძალადობა... ყოველთვის საკუთარ თავს ვადანაშაულებდი.

დღეს უკვე ვიცი, რომ ჩემი მდგომარეობა ჩვეულებრივი მსხვერპლის მდგომარეობა იყო. ნამდვილად არ ყოფილა ადვილი იმის გაცნობიერება, რომ შენს ცხოვრებაში უნდა მოხდეს ცვლილება, რომ ამ ცვლილებას მოჰყვება ბევრი უარყოფითი, რადგან მაშინ საზოგადოება არ იყო მზად იმისთვის, რომ ქმარს გაშორებული ქალი მიეღო.

სანამ ამ გადაწყვეტილებას მივიღებდი, მთელი 4 წლის განმავლობაში ვამუშავებდი ამ აზრს, რომ მე ეს ნაბიჯი უნდა გადამედგა და უნდა დავშორებოდი იმ ყველაფერს, რასაც ჯოჯოხეთი ერქვა.

ალბათ შინაგანი სიძლიერე და მშობლების მხარდაჭერა დამეხმარა ამ ნაბიჯის გადადგმაში. მახსოვს თავიდან ისეთი შეგრძნება მქონდა, თითქოს ბორკილები ამხსნეს, მე მივხვდი, რომ გადავდგი ნაბიჯი, წამოვედი სახლიდან და შევიგრძენი თავისუფლება. მეგონა, რომ ახალ ადამიანად დავიბადე. 

საზოგადოება ძალიან მკაცრად არ შეხვედრია ჩემს ამ გადაწყვეტილებას, რადგან სოციუმმა, რომელშიც მე ვცხოვრობდი, იცოდა ჩემი მდგომარეობა. თუმცა სხვა მეგობრებისთვის, რომლებმაც არ იცოდნენ ჩემი ცხოვრების დეტალები, ეს ნამდვილი შოკი იყო. ტიროდნენ ჩემს მონაყოლზე, მე მეცინებოდა და გულში ვფიქრობდი - როგორ  ვერ აცნობიერებენ, რომ მე ახლა უკვე ბედნიერი ვარ.

ძალიან რთულია ძალადობის მსხვერპლ ქალს უთხრა  - გადადგი ნაბიჯი და ყველაფერი კარგად იქნებაო, რადგან ძალიან რთულია მათთვის იმის გაცნობიერება, რომ არსებობს სხვა სამყაროც. მთელი 4 წელი შევალიე იმაზე ფიქრს, თუ რა მოჰყვებოდა ამ ნაბიჯს. მეგონა, რომ ნეგატიური შედეგები მოჰყვებოდა, მაგრამ ყველაფერი პირიქით მოხდა. ყოველ დაღმართს აღმართი მოჰყვება. მე მინდა ყველა ქალს ვურჩიო, რომ არაფრით არ დათმონ საკუთარი სურვილები და იბრძოლონ ბოლომდე“.

დააკლიკეთ ბმულს და შემოუერთდით ფემინსტრიმს

პოდკასტები დაიდება ყოველ ოთხშაბათს.

თუ გსურთ, გაიგოთ, როგორ ცხოვრობენ ქალები რეგიონში, მაშინ მოუსმინეთ მარი შარანგიას; 

თუ გსურთ, გაიგოთ რა კავშირია ფემინიზმსა და ვეგანობას შორის, მოუსმინეთ ნანა გობეჯიშვილის პოდკასტებს;

რატომ და როგორ ამყარებდა ლიტერატურა გენდერულ სტერეოტიპებს, როგორ ჩნდებიან ქართულ ლიტერატურულ სივრცეში ძლიერი და თავისუფალი ქალები, დაელოდეთ თეონა ბექიშვილის პოდკასტებს;

გაიგეთ ყველაფერი, რაც გაინტერესებდათ სექსის შესახებ და გრცხვენოდათ, რომ გეკითხათ - ფემინსტრიმზე ნუკრი ტაბიძესთან ერთად. 

კომენტარები

ამავე რუბრიკაში

14 დეკემბერი
14 დეკემბერი

რატომ უნდა ეთქვას უარი თბილისის ანძაზე წ ...

როგორც უკვე ცნობილია, თბილისის მერის, კახა კალაძის თქმით სატელევიზიო ანძის მოდერნიზება იგეგმება. როგორც კალაძე ა ...
12 დეკემბერი
12 დეკემბერი

ფემინსტრიმი ► ლგბტ+ აქტივისტი ზუგდიდიდან

მოუსმინეთ მარი შარანგიას პოდკასტს:  ცაბუნია ვართაგავა 27 წლისაა. ის სოციალური მუშაკია. ორი წელია ლგბტ+ თემის ...
11 დეკემბერი
11 დეკემბერი

რა ცვლილებებია მოსალოდნელი გაზის ბაზარზე ...

საქართველოში გაზის ბაზრის რეფორმირებისთვის ახალი კანონმდებლობის მიღება იგეგმება. ბუნებრივ გაზზე მოთხოვნილება იზრდება, ამ ...

მეტი

^