„ევროპულის საქართველოს" ლიდერები დღეს მამუკა მდინარაძის მაჟორიტარულ ოლქთან მივიდნენ და მის სამუშაო ოთახზე ბოქლომის დადებას ცდილობდნენ, თუმცა იქ შეკრებილმა „ქართული ოცნების" მხარდამჭერებმა მათ ამის საშუალება არ მისცეს.
მდინარაძემ მაჟორიტარულ ოლქთან განვითარებული მოვლენები შეაფასა და ბოქლომების დადებას „მეორადი კმარელების" უნიჭო პერფორმანსი უწოდა.
„დილიდან ვეტერანი გაცვეთილი და მეორადი კმარელების უნიჭო პერფომანს ვუყურებთ. ეს ადამიანები 2003 წალიდან ამ წლების განმავლობაში ვეღარ განითარდნენ. მაშინდელი მეთოდოლოგიით რაღაცა სპექტაკლებს ააწყობენ, რომელთა სპექტაკლებსაც გაგრძელება არა აქვს.
ალბათ ყველაზე ცუდ სიზმარშიც ვერ წარმოიდგენდნენ, რომ ასეთი პოლიტიკური მარაზმი და მარგინალიზაცია დაემართებოდათ „ნაციონალური მოძრაობის“ სხვა შტოს წარმომადგენლებს.
დღეს რაც კიდევ ყველაზე მთავარი იყო, ქართულ პოლიციას მოუწია ხალხისგან „ნაციონალური მოძრაობის" ბოკერიას ფრთის დაცვა," - განაცხადა მდინარაძემ.
