Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: LIBERALIMAGAZINE@GMAIL.COM Facebook: https://www.facebook.com/liberalimagazine
გაგზავნა
გაგზავნა

ირანის ცის ქვეშ

25 ნოემბერი 2016

ირანში ჩემი პირველი ვიზიტი საქართველოში ირანის ისლამური რესპუბლიკის საელჩოს დახმარებით შედგა. მისი ყველაზე ძლიერი შთაბეჭდილება სწორედ ომის ნაკვალევს უკავშირდება, რომელიც ყოველ ნაბიჯზე მხვდებოდა - შენობების კედლებზე დაღუპულ მებრძოლთა უზარმაზარი პორტრეტებისა თუ მთელი ქვეყნის ტერიტორიაზე მიმოფანტული მემორიალური ძეგლების სახით. განსაკუთრებით შთამბეჭდავი იყო ირანელთა მოწიწება და პატივისცემა, რასაც ისინი სამშობლოსა და მშვიდობისათვის თავშეწირული გმირების - შაჰიდების მიმართ იჩენენ.

მე-20 საუკუნეში წარმოებულ ომებს შორის ირან-ერაყის ომი (1980-1988 წწ.) ერთ-ერთი ყველაზე სისხლისმღვრელი იყო. მასში მილიონ-ნახევარი ადამიანი დაიღუპა.

1980 წლის 22 სექტემბერს ერაყმა ომი ირანზე მოულოდნელი სამხედრო შეტევით დაიწყო. ის რვა წელი გრძელდებოდა და მხოლოდ მაშინ დასრულდა, როცა ორივე ქვეყანა ცეცხლის შეწყვეტის შესახებ რეზოლუციაზე შეთანხმდა. ირანმა ამ ომში 300 000 ადამიანი დაკარგა. მათგან 10 000-ზე მეტი მშვიდობიანი მოქალაქე იყო. რვაწლიანი ომის დროს ერაყს დიდ დახმარებას უწევდა აშშ, სპარსეთის ყურის ქვეყნები და საბჭოთა კავშირი, ირანს კი მხოლოდ სირიამ დაუჭირა მხარი.

Shalamcheh - ასე ეწოდება ადგილს ხუზისტანის პროვინციაში, ირანისა და ერაყის საზღვარზე, რომელსაც ყოველდღიურად მოსალოცად უამრავი ადამიანი სტუმრობს. ომის პერიოდში ქალაქი და მისი შემოგარენი ერაყის ჯარის ერთ-ერთ მთავარ სამიზნეს წარმოადგენდა. ქალაქის დაცვისას 50 000-მდე ირანელი მებრძოლი დაიღუპა. დღეისათვის ამ ტერიტორიაზე, ღია ცის ქვეშ, მუზეუმია მოწყობილი. მას ირანელები სამშობლოსთვის დაღუპული შაჰიდების პატივსაცემად სტუმრობენ. ისინი გლოვობენ და იხსენებენ მათ სულებს. განადგურებული საომარი ტექნიკა, მავთულხლართები და ქვიშიანი ტომრები ომის სისასტიკეში გაბრუნებს და 28 წლის წინანდელ სურათს აცოცხლებს.

შაჰიდები - ირანელი გმირები

შაჰიდი - საკუთრების დაცვისთვის ბრძოლაში მოკლული მუსლიმი.

ეს პორტრეტები თეირანში, ერთ-ერთი მეჩეთის ეზოშია გადაღებული, სადაც დაკრძალულები არიან ირან-ერაყის ომში დაღუპული გმირები - შაჰიდები.

ირანი არის ქვეყანა, სადაც უდიდეს პატივს მიაგებენ ქვეყნის თავისუფლებისთვის მებრძოლ თავგანწირულ მეომრებს.

ეს საფლავის ქვის პორტრეტები კი, რომელთაც ყვავილებით არამხოლოდ ახლობლები და ოჯახის წევრები ამკობენ, იმ დიდი პატივისცემისა და სიყვარულის გამოხატულებაა, რომელსაც ირანელი ხალხი შაჰიდების მიმართ არ იშურებს.

კომენტარები

ამავე რუბრიკაში

17 მაისი
17 მაისი

ფოტო ► 17 მაისი ლიმიტირებულ პირობებში

წელს ლგბტქი თემის წარმომადგენლებმა და მათმა მხარდამჭერებმა 17 მაისის, ჰომოფობიასა და ტრანსფობიასთან ბრძოლის საერთაშორისო ...
15 მაისი
15 მაისი

ფოტო ► დაღუპული მეშახტეები 14 მაისს გაას ...

ტყიბულში დაღუპული მეშახტეები 14 მაისს გაასვენეს. გიზო გუბელიძე, ალეკო ჭელიშვილი, ვიქტორ დაღუნდარიძე და გიზო კუბლაშვილი ...
17 მარტი
17 მარტი

კაცებს ფეხებს აღარავინ ჰბანს

ამბავი ქალებზე, რომლებიც გაათხოვეს. კახეთის პატარა სოფელ არგოხში ძირითადად ეთნიკური ოსები ცხოვრობენ. აქ წლების წინ ისევ ...

მეტი

^