პროკურატურის შენობასთან დღეს ის მოქალაქეები შეიკრიბნენ, ვინც წლების წინ სამშენებლო კომპანია "აქსისგან" ბინები იყიდა, თუმცა ჯერ არ ჩაბარებიათ:
"წლებია კომპანია აქსისი ხალხს ატყუებს. დაზარალებულებმა არაერთხელ მიმართეს საქალაქო სასამართლოს, სადაც აქსისის წინააღმდეგ უამრავი დავაა მოგებული თუმცა, აღსრულება ვერ ხერხდება. უშედეგოდ მოგებული სამოქალაქო დავების შემდეგ დაზარალებულებმა პროკურატურას მიმართეს, თუმცა პროკურატურა არ რეაგირებს და დაზარალებულებს ისევ სამოქალაქოში, იგივე წრეზე აბრუნებს – სადაც დავები დიდი ხნის მოგებულია და სადაც ამ საქმეს გაგრძელება ფიზიკურად ვეღარ ექნება" - აცხადებენ აქციის ორგანიზატორები.
დაზარალებულებს სამი კონკრეტული მოთხოვნა აქვთ კომპანიასთან, კერძოდ, მოითხოვენ, კომპანიას დაევალოს: დაზარალებულების ალტერნატიული ფართებით დაკმაყოფილება; გადახდილი თანხების უკან დაბრუნება და საბანკო გარანტიები.
აქცია "სოლიდარობის ქსელის" მიერ იყო ორგანიზებული. ერთ-ერთი წარმომადგენელი შოთა აზიკური ამბობს, რომ სავარაუდოდ 300-მდე დაზარალებული არსებობს, ვისაც კომპანიამ ბინები აქამდე არ გადასცა.