თურქეთი ანკარის ორმაგ ტერაქტზე პასუხისმგებლობას „ისლამურ სახელმწიფოს“ აკისრებს. თვითმკვლელი ტერორისტების აფეთქებამ 128 ადამიანი იმსხვერპლა, თურქი ოპოზიციონერები კი მომხდარში პრეზიდენტ ერდოღანს ადანაშაულებენ.
ათასობით ადამიანი შეიკრიბა აფეთქების ადგილას - ანკარის რკინიგზის მთავარ სადგურთან. ისინი ერდოღანს ქურთი ნაციონალისტების სენტიმენტების გაღვივებაში ადანაშაულებენ მისი განზრახვის გამო, გაელაშქრათ ქურთი სამხედროების წინააღმდეგ. ანკარა ამაზე პასუხისმგებლობას არ იღებს.
პარლამენტისა და მთავრობის შენობებამდე არ უშვებენ ხალხს, რომელიც შეძახილებით „მკვლელი ერდოღანი“, „მკვლელი პოლიცია“ ბარიკადების გარღვევას ცდილობს.
პროქურთული „ხალხის დემოკრატიული პარტია“ პოლიციას ლიდერებსა და წევრებზე თავდასხმაში ადანაშაულებს. მათი თქმით, დაშავებულები უბრალოდ აფეთქების ადგილზე მიხაკების დატოვებას ცდილობდნენ.
„ისლამური სახელმწიფოს“ მებრძოლები განლაგებულები არიან თურქეთის საზღვართან, რომელიც ამავდროულად NATO-ს საზღვარია.
წყარო: The Reuters
