აშშ-ის სახელმწიფო დეპარტამენტის წარმომადგენელ მარკ ტონერის თქმით, „ერთ-ერთი წამყვანი ტელევიზიის დახურვა, ან პოტენციური დახურვისკენ გადადგმული ნაბიჯები საქართველოში მედიასივრცეს მნიშვნელოვნად შეზღუდავს".
როგორც ტონერმა „ამერიკის ხმასთან" ტელეკომპანია „რუსთავი 2-ის“ ირგვლივ განვითარებულ მოვლენებზე საუბრისას აღნიშნა, ეს შეშფოთების მიზეზია და რომ სახელმწიფო დეპარტამენტი სერიოზულად განიხილავს ნებისმიერ მოქმედებას, რომელიც მედიაპლურალიზმს საფრთხეს უქმნის.
ტონერმა დადებითად შეაფასა პროცესების მიმართ პრეზიდენტ გიორგი მარგველაშვილის შეფასებები და აღნიშნა, რომ „დემოკრატიული მთავრობის პრიორიტეტი საკუთარი მოქალაქეების თავისუფლების დაცვა უნდა იყოს, რაც თავისუფალი და დამოუკიდებელი მედიის ხელმისაწვდომობაზეა დამოკიდებული."
