კაიროში რესტორანს მოლოტოვის კოქტეილი ესროლეს. დაიღუპა 12 და დაშავდა 5 ადამიანი.
ეგვიპტის ოფიციალური პირების თქმით, თავდამსხმელი რესტორნის ყოფილი, გათავისუფლებული თანამშრომელია.
BBC-ს ინფორმაციით, შენობაში რესტორანთან ერთად ღამის კლუბიც იყო განთავსებული. სარდაფში მდებარეობის გამო, იქ მყოფთათვის ადგილის დატოვება გართულდა.
ადგილობრივი სამთავრობო საინფორმაციო სააგენტოს თქმით, ერთ-ერთი ოფიციალური პირი აცხადებს, რომ კლუბს მოლოტოვის კოქტეილი მოტოციკლეტებზე მჯდომმა სამმა პირმა ესროლა.
ქვეყნის უსაფრთხოების ძალების ერთ-ერთი წარმომადგენლი აცხადებს, რომ კლუბზე თავდასხმა თანამშრომელსა და ახალგაზრდების ჯგუფს შორის კონფლიქტს მოჰყვა.
სამართალდამცავები შემთხვევის ადგილზე მუშაობენ.
კაიროში უსაფრთხოების ძალებსა და მოქალაქეებს, სავარაუდოდ, ისლამისტი მებრძოლები თავს რამდენჯერმე დაესხნენ.
