დედაქალაქის მუნიციპალიტეტის საკრებულოს თავმჯდომარე გიორგი ალიბეგაშვილი, გარემოს დაცვის კომისიის თავმჯდომარე შორენა ბუხრაშვილი, კომისიის წევრები და საკრებულოს დეპუტატები გარემოს ეროვნული სააგენტოს უფროსს თამარ ბაგრატიას შეხვდნენ და თბილისში გარემოს (ატმოსფერული ჰაერი, ნიადაგი და ზედაპირული წყლები) დაბინძურების მონიტორინგის შედეგების თაობაზე ინფორმაცია მოისმინეს.
თბილისის საკრებულოს პრესსამსახურის ინფორმაციით, ბაგრატიამ აღნიშნა,რომ ატმოსფერული ჰაერის, წყლისა და ნიადაგის დაბინძურების მონიტორინგის გაუმჯობესების მიზნით, საქართველოს მასშტაბით ინდიკატორული გაზომვების წერტილების ზრდა იგეგმება.
ასევე დაგეგმილია გარემოს დაბინძურების კვლევის ლაბორატორიული კორპუსის მშენებლობა და ჰაერის მონიტორინგის სადგურების თანამედროვე ავტომატური ხელსაწყოებით გადაირაღება.
